Onlayn ictimai-siyasi qəzet
Prezident kimi qarşılanan “icra başçısı” – lüks avtomobil, xüsusi mühafizə - Video
Nigeriyanın Delta ştatının qubernatoru Şerif Oborevvorinin hərbi obyektə gəlişini əks etdirən görüntülər diqqət çəkib. Lüks avtomobil, güclü təhlükəsizlik tədbirləri və əsgərlərin xüsusi qarşılaması səfəri fərqləndirib.
Musavat.com xəbər verir ki, görüntülərdə qubernatorun böyük mühafizə dəstəsinin müşayiəti ilə hərbi hissəyə və ya hərbi bazaya daxil olduğu görünür. Ərazinin müxtəlif nöqtələrində yerləşdirilən silahlı hərbçilər onun gəlişi zamanı xüsusi qarşılama düzəni yaradıblar.
Oborevvori avtomobildən düşdükdən sonra hərbçilərlə görüşüb və onların sıraları boyunca hərəkət edib. Görüntülərdə təhlükəsizlik tədbirlərinin yüksək səviyyədə təşkil edilməsi, qubernatorun avtomobilinin və mühafizə dəstəsinin miqyası xüsusilə diqqət çəkir.
Şerif Oborevvori 2023-cü ilin mayından Nigeriyanın Delta ştatının qubernatorudur. 1963-cü ildə Osubidə anadan olan siyasətçi qubernator seçilməzdən əvvəl Delta Ştat Assambleyasının sədri olub.
Qubernatorun belə güclü mühafizə altında hərəkət etməsinin təhlükəsizliklə bağlı ciddi səbəbləri də var. 2023-cü ildə Oborevvorinin avtomobil karvanı Warri–Sapele yolunda silahlı hücuma məruz qalıb. Hücum zamanı mühafizəçilərindən biri yaralanıb, Oborevvori isə zirehli avtomobildə olduğundan xəsarət almayıb.
Delta Nigeriyanın əsas neft və qaz hasilatı mərkəzlərindən biridir. Ştatın paytaxtı Asaba şəhəridir. Niger deltasındakı strateji mövqeyi və mühüm enerji infrastrukturu səbəbindən bölgədə təhlükəsizlik məsələlərinə xüsusi diqqət yetirilir.
Musavat.com
ƏLAQƏLİ XƏBƏRLƏR
XƏBƏR LENTİ
01 Sentyabr 2026
31 Avqust 2026
ŞƏRHLƏRŞƏRH YAZ