Onlayn ictimai-siyasi qəzet
İnsanlara hürriyət, millətlərə istiqlal!
“Azca gəzən kimi yoruluram, təzyiqim düşür” - 84 yaşlı Ofeliya Sənani səhhətindən danışdı
“Bütün günü evdə oluram. Evin içində azca gəzən kimi başım fırlanır, tez gəlib divanda əyləşirəm”.
Bunu Musavat.com-a açıqlamasında Xalq artisti Ofeliya Sənani deyib.
Səhhətindən gileylənən diktor bildirib ki, yeriməkdə çətinlik çəkir:
“Çölə çıxa bilmirəm, ancaq evin içində hərəkət edirəm. Qan təzyiqim tez-tez düşür, qalxır. İynələr vurulur, heç nə təsir etmir. Görünür, yaş öz sözünü deyir. Özümü o qədər də yaxşı hiss etmirəm. Çalışıram ki, başımı nə iləsə qatım”.
Ofeliya Sənani deyib ki, zəif qidalanır:
“Əvvəlki kimi iştaham yoxdur, az yeyirəm”.
Xatırladaq ki, 84 yaşlı Xalq artisti bir müddət əvvəl xəstəxanaya yerləşdirilmişdi. Həmin vaxt ona infarkt diaqnozu qoyulmuşdu.
Şahanə Rəhimli
Musavat.com
XƏBƏR LENTİ
07 Iyun 2026
ŞƏRHLƏRŞƏRH YAZ