Onlayn ictimai-siyasi qəzet
Yunanıstan Türkiyəyə “xox” gəldi – “Avropa Birliyinə girmək istəyirsinizsə...”
Yunanıstanın Baş naziri Kiriakos Miçotakis Türkiyənin Avropa İttifaqı ilə münasibətlərinin inkişafını Afina ilə yaxşı qonşuluq münasibətləri ilə əlaqələndirib.
Musavat.com xəbər verir ki, Miçotakis Avropa Şurasının Prezidenti Antonio Koşta ilə keçirdiyi birgə mətbuat konfransında Türkiyə ilə bağlı sərt açıqlamalar verib.
Yunanıstanın baş naziri Antonio Koştanı Egey dənizində son dövrdə artdığını iddia etdiyi “Türkiyə təxribatları” barədə məlumatlandırdığını bildirib.
“Avropa İttifaqı ilə münasibətlərini inkişaf etdirməyə ümid edən bir ölkə tərəfindən müharibə istiqamətində aktiv təhdid və Yunanıstanın suverenliyinin şübhə altına alınması qəbuledilməzdir”, – deyə Miçotakis bildirib.
O, Yunanıstanın müdafiə siyasətinə də toxunaraq Afinanın bu məsələdə kənardan göstəriş qəbul etməyəcəyini vurğulayıb:
“Öz müdafiə gücümüzü necə möhkəmləndirəcəyimiz barədə heç kimdən göstəriş qəbul etməyəcəyik”.
Miçotakis Türkiyənin Avropa perspektivi ilə bağlı mövqeyini isə belə ifadə edib:
“Türkiyənin Avropa yolu Yunanıstanla yaxşı qonşuluq münasibətlərindən keçir”.
Musavat.com
XƏBƏR LENTİ
04 Sentyabr 2026
ŞƏRHLƏRŞƏRH YAZ