Onlayn ictimai-siyasi qəzet
100 yaşına çatanların övladları daha UZUN YAŞAYIR - Səbəbi ŞOK ETDİ
100 yaşına qədər yaşayan insanların övladlarının daha uzun ömür sürdüyü, bir sıra yaşla əlaqəli xəstəliklərin isə onlarda daha gec inkişaf etdiyi müəyyənləşib.
Musavat.com xəbər verir ki, 26 avqust 2026-cı ildə JAMA Network Open jurnalında dərc olunan və bu istiqamətdə bu günə qədər aparılmış ən böyük araşdırma uzunömürlülüyün irsi amillərlə əhəmiyyətli dərəcədə bağlı olduğunu ortaya qoyub.
Araşdırmanın nəticələrinə görə, valideynlərindən biri 100 yaşına qədər yaşamış şəxslərdə ölüm riski valideynləri daha az yaşamış insanlarla müqayisədə 42 faiz aşağı olub. Eyni zamanda, ürək-damar xəstəlikləri riski 33 faiz, yüksək qan təzyiqi (hipertoniya) riski isə 32 faiz daha az qeydə alınıb.
Bu üstünlüklər həyat tərzi ilə bağlı amillər nəzərə alındıqdan sonra da qorunub. Bu isə yaşlılıq dövründə müstəsna sağlamlığın qorunmasında irsi bioloji faktorların əhəmiyyətli rol oynaya biləcəyini göstərir.
Bununla yanaşı, araşdırma uzunömürlü insanların övladlarında insult və xərçəng xəstəliklərinə qarşı nəzərəçarpacaq qoruyucu təsir müşahidə edilmədiyini də ortaya çıxarıb.
Musavat.com
ƏLAQƏLİ XƏBƏRLƏR
XƏBƏR LENTİ
31 Avqust 2026
ŞƏRHLƏRŞƏRH YAZ