Onlayn ictimai-siyasi qəzet
Gözlənilən an gəldi - İlk qatlanan iPhone səhnədə, bu qiymətə olacaq - VİDEO
İllərdir haqqında danışılan və milyonlarla Apple istifadəçisinin gözlədiyi qatlanan iPhone nəhayət gerçəkliyə çevrilib.
Musavat.com xəbər verir ki, Apple şirkəti tarixində ilk dəfə qatlanan smartfonunu rəsmən təqdim edib.
Yeni model iPhone Duo adlanır. Cihaz açıldıqda 7,6 düymlük Super Retina XDR böyük ekrana çevrilir, qapalı vəziyyətdə isə 5,4 düymlük xarici Super Retina XDR ekrandan istifadə etmək mümkündür. Hər iki ekran ProMotion və Always-On texnologiyasını dəstəkləyir, açıq havada maksimal parlaqlıq 3000 nitə çatır.
Yeni iPhone A20 Pro prosessoru ilə təchiz olunub. Qatlanan ekran eyni vaxtda bir neçə tətbiqlə işləməyə, ekranı bölməyə və cihazdan daha geniş iş sahəsi kimi istifadə etməyə imkan verir. Model Apple Pencil dəstəyi də alıb.
Telefon 5-ci dərəcəli titandan hazırlanıb. Menteşə mexanizmi 100-dən çox komponentdən ibarətdir. Cihaz IP68 standartı üzrə suya və toza davamlıdır, xarici ekran isə əvvəlki nəsillə müqayisədə cızıqlara qarşı üç dəfə daha davamlı Ceramic Shield 2 ilə qorunur.
iPhone Duo 48 meqapiksellik əsas və 48 meqapiksellik ultra geniş bucaqlı kameraya, həmçinin 12 meqapiksellik ön kameraya malikdir. Əsas kamera Dolby Vision formatında saniyədə 120 kadr sürətlə 4K video çəkə bilir. Telefonun qatlanan konstruksiyası arxa kameralarla selfi çəkməyə və görüntünü xarici ekranda izləməyə də imkan verir.
Cihazda iki batareyadan ibarət yeni sistem tətbiq olunub. Xarici ekranla 44 saata, daxili ekranla isə 31 saata qədər video izləmək mümkündür. Sürətli enerji yığma ilə batareyanı təxminən 20 dəqiqəyə 50 faizə çatdırmaq mümkündür. Telefon Wi-Fi 7 və Bluetooth 6-nı dəstəkləyir və bütün dünyada yalnız eSIM ilə işləyəcək.
Model 256 GB, 512 GB, 1 TB və 2 TB yaddaş variantlarında satışa çıxarılacaq. ABŞ-də 1999 dollarlıq başlanğıc qiymət məhz 256 GB yaddaşa malik modelə aiddir.
Təqdimat Apple üçün başqa bir mühüm hadisə ilə də yadda qalıb. Bu, Tim Kuku baş direktor vəzifəsində əvəz edən Con Ternusun ilk böyük məhsul təqdimatı olub.
iPhone Duo üçün ön sifarişlər oktyabrın 16-da başlayacaq, telefon isə 23 oktyabrdan satışa çıxarılacaq.
Musavat.com
ƏLAQƏLİ XƏBƏRLƏR
XƏBƏR LENTİ
10 Sentyabr 2026
00:14 SON DƏQİQƏ: Soçiyə dəhşətli hücum başladı - Şəhərdə güclü partlayışlar, əhali panikada - VİDEO
09 Sentyabr 2026
ŞƏRHLƏRŞƏRH YAZ