Onlayn ictimai-siyasi qəzet
Kallas vahid ordu yaradılması fikrinə qarşı çıxdı
Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas Aİ-nin vahid ordusunun yaradılması ideyasını dəstəkləmədiyini bildirib.
Musavat.com xəbər verir ki, Kallas birlik üzvü olan hər bir dövlətin öz milli ordusu olduğuna diqqət çəkib. O qeyd edib ki, Aİ-yə üzv 27 ölkədən 23-ü eyni zamanda NATO-nun da üzvüdür və onların silahlı qüvvələri alyansın müdafiə sisteminə inteqrasiya olunub.
Diplomat vurğulayıb ki, NATO-nun sərəncamına verilən hərbi qüvvələrin paralel şəkildə başqa bir hərbi struktur daxilində istifadəsi mümkün deyil. Bu səbəbdən NATO ilə yanaşı ayrıca Avropa ordusunun yaradılması həm praktik baxımdan çətin, həm də məntiqsiz görünür.
Kallas əlavə edib ki, paralel hərbi komandanlıq sisteminin formalaşdırılması böhran vəziyyətlərində idarəetmə zəncirini mürəkkəbləşdirə və təhlükəsizlik riskləri yarada bilər. Onun fikrincə, əsas məqsəd yeni hərbi qurum yaratmaq deyil, mövcud milli orduların və NATO çərçivəsində əməkdaşlığın daha da gücləndirilməsidir.
Musavat.com
XƏBƏR LENTİ
09 Iyun 2026
ŞƏRHLƏRŞƏRH YAZ