Onlayn ictimai-siyasi qəzet
ABŞ İranın Hörmüzlə bağlı imkanlarını yetərincə qiymətləndirməyibmiş - ETİRAF
Tramp administrasiyası İranın Hörmüz boğazını bağlamaqla qlobal iqtisadiyyata zərər vurmaq imkanlarını az qiymətləndirdiyini etiraf edib.
Musavat.com xəbər verir ki, bunu "New York Times" qəzeti ABŞ və İsrail rəsmilərinə istinadən yayıb: "Müharibənin ikinci həftəsində Tramp administrasiyası İranın Hörmüz boğazını bağlamaqla qlobal iqtisadiyyatı pozmaq istəyinin və qabiliyyətinin, eləcə də Tehranın müharibəni bütün bölgəyə genişləndirmək qabiliyyətinin rəsmilərin təxmin etdiyindən daha çox olduğunu etiraf edib".
Qəzetin məlumatına görə, fevralın sonlarında İsrailin yüksək vəzifəli rəsmiləri İsrailin Baş naziri Benyamin Netanyahuya ölkəyə ilk zərbənin uğurlu olacağı və Ali Rəhbər də daxil olmaqla, İranın təhlükəsizlik qüvvələrinin əksəriyyətinin məhv ediləcəyi təqdirdə İranda hökumət əleyhinə etirazların baş vermə ehtimalı barədə məlumat veriblər. Qəzet qeyd edir ki, Netanyahu, görünür, Trampı buna inandırıb.
Bundan əlavə, qəzetin məlumatına görə, Tramp və Pentaqonun Mərkəzi Komandanlığının rəisi Bred Kuper belə bir hücumun iranlıları regiondakı digər enerji hədəflərinə qarşı qisas almağa təhrik edə biləcəyindən ehtiyat edərək Təl-Əvivə Tehran yaxınlığındakı böyük neft anbarlarına zərbə endirməmək barədə xəbərdar ediblər.
Netanyahu bu məsləhətə məhəl qoymayıb və İsrail bir həftə əvvəl şənbə günü anbarlara zərbə endirib, böyük yanğınlara və neft qiymətlərinin ilkin olaraq kəskin şəkildə artmasına səbəb olub. Ağ Evin içərisində rəsmilər İsrail liderinin Tehranın qara örtüklə örtülməsinin əks etdirən dramatik səhnələri görmək istədiyinə əmindirlər. Ağ Ev rəsmilərindən birinin sözlərinə görə, İsrailin mövqeyi ondan ibarət idi ki, yanan anbarlar İran rəhbərliyi daxilində xaosa səbəb olacaq, əhali özü rejimi devirmək üçün ayağa qalxacaq.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ