Onlayn ictimai-siyasi qəzet
Tarixi sənəd “İran” adını alt-üst etdi - 310 il öncənin Avropa xəritəsində maraqlı detal - FOTO
1716-cı ildə alman kartoqrafı İohann Baptist Homan tərəfindən hazırlanmış xəritədə Səfəvi dövlətinin ərazisinin “Qızılbaşlar” adı ilə göstərilib.
Musavat.com xəbər verir ki, bu barədə “Milli Kimlik” səhifəsində paylaşım edilib.
Bildirilib ki, sözügedən xəritə qızılbaş tayfalarının mühüm rol oynadığı Azərbaycan Səfəvilər sülaləsinin hakimiyyəti dövrünə aiddir.
Mənbənin məlumatına görə, sonralar “qızılbaşlar” anlayışı etnik mənsubiyyətindən asılı olmayaraq, Qızılbaşlar dövlətinin bütün təbəələrinə münasibətdə də işlədilib.
Homanın 1716-cı il xəritəsində bu imperiyanın ərazisinin “Qızılbaşlar” kimi qeyd olunması Qərbdə də dövlətin və onun sakinlərinin Qızılbaşlar dövləti və qızılbaşlar kimi tanındığını göstərən nümunə olaraq təqdim edilir.
Buna başqa bir nümunə kimi A.K. Tolstoyun “Knyaz Serebryanıy” əsərindən parça göstərilir. Əsərdə Çar İvan Qroznının (1530–1584) dilindən belə deyilir:
“...Bəs mənim xəzinəmi gəmilərdən oğurlayan, Moskvaya gedən qızılbaş elçilərimi yolda qarət edən kim idi?”
Musavat.com
XƏBƏR LENTİ
10 Sentyabr 2026
00:14 SON DƏQİQƏ: Soçiyə dəhşətli hücum başladı - Şəhərdə güclü partlayışlar, əhali panikada - VİDEO
09 Sentyabr 2026
ŞƏRHLƏRŞƏRH YAZ