Onlayn ictimai-siyasi qəzet
İran son hücumun görüntülərini yaydı: Raketlərin üzərində bu mesajı verdi - VİDEO
İran İslam İnqilabı Keşikçiləri Korpusu (SEPAH) bəyanat yayaraq, İordaniyadakı ABŞ hərbi hava bazasına kütləvi raket zərbələri endirdiyini elan edib.
Musavat.com xəbər verir ki, məlumatı "Farhikhtegan" nəşri SEPAH-a istinadən yayıb.
Məlumata görə, ABŞ ordusunun Fars körfəzində və Hörmüz boğazında İranın ticarət və neft tankerlərinə hücum etməsinə cavab olaraq, SEPAH-ın Hava-Kosmik Qüvvələri "Ya Heydər Kərrar" kodu ilə əməliyyata başlayıb.
SEPAH-ın yaydığı rəsmi bəyanatda iddia olunur ki, İordaniyadakı Əl-Azraq ABŞ hərbi hava bazası bərk və maye yanacaqla işləyən ballistik raketlərin zərbələrinə məruz qalıb:
"Düşməni cəzalandırmaq məqsədilə həyata keçirilən bu ağır raket hücumunda ABŞ-nin F-35, F-16 və F-15 qırıcılarının saxlanıldığı anqarlar, təmir-bərpa, hazırlıq obyektləri və təyyarə sığınacaqları dəqiqliklə vurulub".
Əməliyyat zamanı "Xeybərşekan", "Qadr", "Emad" və kasset döyüş başlığına malik "Qadr-H" ballistik raketlərindən istifadə edildiyi bildirilir.
İran tərəfi atılan raketlərin üzərinə "İran Hörmüz boğazı məsələsində zərərrə qədər də geri addım atmayacaq" mesajını yazaraq döyüşlərin sonunadək davam edəcəyini bəyan edib.
Musavat.com
ƏLAQƏLİ XƏBƏRLƏR
XƏBƏR LENTİ
09 Sentyabr 2026
ŞƏRHLƏRŞƏRH YAZ