Onlayn ictimai-siyasi qəzet
Ermənilərdən yeni xəyal: Minsk qrupu mövcuddursa Qarabağ məsələsi qapanmayıb
Qarabağ məsələsi bağlanmayıb, ermənilərin Qarabağa qayıtması hələ də nəzərdən keçirilir.
Musavat.com erməni mediasına istinadən xəbər verir ki, bu sözlər yerli politoloq Stepan Danielyan tərəfindən səslənib.
“Qarabağ məsələsi bağlanıbsa, Minsk Qrupu niyə hələ də ləğv edilməyib? Gördüyümüz kimi, ABŞ, Rusiya Federasiyası və AB Qarabağ ermənilərinin geri qaytarılması imkanının təmin edilməsi məsələsini qaldırır. Bütün bunlar o deməkdir ki, Qarabağ məsələsi hələ də bağlanmayıb. Başqa sözlə, Minsk Qrupu var olduqca, Qarabağ məsələsi qapanmayacaq”,-deyə Danielyan bildirib.
Öz növbəsində yerli politoloq Yervand Bozoyan Ermənistanın hakim elitasının nümayəndələrinin Minsk Qrupunun ləğvini dəstəkləyəcəyini istisna etməyib. Lakin onun fikrincə, bu, ancaq sülh müqaviləsi imzalandıqdan sonra baş verə bilər.
Musavat.com
XƏBƏR LENTİ
28 Iyun 2024
ŞƏRHLƏRŞƏRH YAZ