Onlayn ictimai-siyasi qəzet
Cənubi Koreyada qanun qaçağı olan 110 əcnəbi axtarışa verilib
Cənubi Koreyada ölkə xaricində törədilən cinayətlərə görə axtarışda olan 110 xarici vətəndaş var.
Musavat.com xarici mediaya istinadla xəbər verir ki, bu siyahıda birinci yerdə Çin vətəndaşlarıdır. Cənubi Koreyanın hüquq mühafizə orqanları 40 çinlini qırmızı bülletenlə axtarırlar.
Özbəkistan vətəndaşları 19 nəfərlə xaricdə axtarılan və Cənubi Koreyada gizlənən xarici qanun qaçaqlarının ikinci ən böyük qrupudur.
Monqolustan 17 nəfərlə üçüncü yerdədir.
Əcnəbilərin beynəlxalq axtarışa verildiyi ən çox yayılmış cinayət 47 halla fırıldaqçılıq olub. Daha 29 iş "digər cinayətlər" kimi təsnif edilib, bunlara adam oğurluğu, qanunsuz həbs və cinsi istismar məqsədilə insan alveri daxildir.
Qalan işlər narkotiklə əlaqəli cinayətlər, oğurluq, yol hərəkəti qaydalarının pozulması və hücumla bağlıdır.
Musavat.com
XƏBƏR LENTİ
09 Sentyabr 2026
ŞƏRHLƏRŞƏRH YAZ