İnsanlara hürriyət, millətlərə istiqlal!

Bağdad aeroportunda raket yağışı: İraqın hərbi təyyarəsi darmadağın edildi

Bağdad Beynəlxalq Hava Limanı İranın dəstəklədiyi qruplaşmalar tərəfindən hədəfə alınıb və hücum nəticəsində İraq Hərbi Hava Qüvvələrinə məxsus strateji nəqliyyat təyyarəsi ciddi zərər görüb.

Musavat.com xəbər verir ki, martın 30-da baş verən bu hücum zamanı raketlər və pilotsuz uçuş aparatlarından (PUA) istifadə edilib, nəticədə hərbi dayanacaqda olan "An-32B" tipli nəqliyyat təyyarəsi qəlpə yaraları və yanğın səbəbindən sıradan çıxıb. İlkin məlumatlara görə, bu təxribatın arxasında İraqda fəaliyyət göstərən və birbaşa Tehran tərəfindən maliyyələşdirilən silahlı qruplaşmalar dayanır. Hücum zamanı aeroportun hərbi hissəsində güclü partlayışlar eşidilib və mülki uçuşlar bir müddətlik dayandırılıb. İraq təhlükəsizlik qüvvələri hücumun həyata keçirildiyi ərazini mühasirəyə alaraq genişmiqyaslı axtarış əməliyyatına başlayıblar.

Qeyd olunur ki, bu hücum İranın regiondakı rəqiblərinə və ABŞ-ın İraqdakı hərbi varlığına qarşı "güc nümayişi" xarakteri daşıyır. Xüsusən də son günlər İranın öz ərazisindəki hərbi zavodların vurulmasından sonra proksi qüvvələrin bu cür aktivləşməsi "qisas əməliyyatları"nın bir hissəsi kimi qiymətləndirilir. Hazırda Bağdad aeroportunda təhlükəsizlik tədbirləri ən yüksək səviyyəyə qaldırılıb və hadisə nəticəsində ölən və ya yaralananlar barədə məlumatlar dəqiqləşdirilir.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

08.06.2026 62

Günəşin “ürək döyüntüsü” dəyişir, 2030-cu ildə... - ŞOK XƏBƏRDARLIQ
08.06.2026 234

Moskvadan İrəvana sərt reaksiya: "Seçkilər Qərbin müdaxiləsi ilə keçdi"

08.06.2026 244

Dünyanın ən güclü xüsusi təyinatlı qüvvələri: “Bordo berelilər” ilk dördlükdə

XƏBƏR LENTİ

08 Iyun 2026

BÜTÜN XƏBƏRLƏR