Onlayn ictimai-siyasi qəzet
Üç uşaqlı valideynlər beş il tez pensiyaya çıxacaq? – AÇIQLAMA
Azərbaycanda üç uşaqlı anaların daha erkən pensiyaya çıxması məsələsi yenidən gündəmə gəlib. Hazırda qanunvericilikdə üç uşağı olan qadınların pensiya yaşından əvvəl əmək pensiyasına çıxması ilə bağlı güzəşt nəzərdə tutulmayıb. Lakin çoxuşaqlılıq meyarının dəyişdirilməsi ilə bu kateqoriyaya aid qadınların da vaxtından əvvəl pensiyaya çıxması mümkün ola bilər.
Bəs üç uşaqlı anaların erkən pensiyaya çıxması üçün qanunvericiliyə dəyişiklik edilə bilərmi?
Mövzu ilə bağlı KONKRET.az-a danışan iqtisadçı Natiq Cəfərli bildirib ki, bunun üçün mövcud qanunvericilik bazasına dəyişiklik edilməlidir.
Onun sözlərinə görə, çoxuşaqlılıq meyarının üç uşağa endirilməsi belə bir sosial güzəştin tətbiqinə hüquqi əsas yarada bilər:
“Belə bir qanun dəyişikliyi ilə bu addımı atmaq mümkündür. Çoxuşaqlılıq anlayışı üç uşaqlılığa qədər endirilməlidir. Bundan sonra üç uşaqlı anaların vaxtından əvvəl pensiyaya çıxması üçün şərait yarana bilər”.
Qeyd edək ki, hazırda Azərbaycanda müəyyən şərtlər daxilində beş və daha çox uşağı olan qadınların pensiya yaşından 5 il əvvəl yaşa görə əmək pensiyasına çıxmaq hüququ var. Bu güzəştin üç uşaqlı analara da şamil edilməsi üçün qanunvericiliyə müvafiq dəyişikliklərin edilməsi tələb olunur.
N.Cəfərlinin fikrincə, çoxuşaqlılıq meyarının üç uşağa endirilməsi halında üç uşaqlı anaların da erkən pensiya hüququ əldə etməsi mümkün ola bilər.
Beləliklə, üç uşaqlı anaların hazırda pensiya yaşından 5 il əvvəl əmək pensiyasına çıxmaq hüququ yoxdur. Bunun üçün əvvəlcə qanunvericilikdə müvafiq dəyişiklik qəbul edilməlidir.
XƏBƏR LENTİ
07 Sentyabr 2026
ŞƏRHLƏRŞƏRH YAZ