Onlayn ictimai-siyasi qəzet
Ənsər Allah Səudiyyənin 8 neft tankeri ilə bağlı açıqlama yaydı
Yəmən husilərinin Ənsar Allah (Husilər) təşkilatı Səudiyyə Ərəbistanına məxsus 8 neft tankerini kursunu dəyişməyə və Ümid Burnu vasitəsilə Afrikanı keçməyə məcbur etdiyini iddia edir.
Musavat.com xəbər verir ki, məlumat üsyançıların açıqlamasında əksini tapıb: “"Blokada üçün blokada" formulunun bir hissəsi olaraq və silahlı qüvvələrimizin Səudiyyə düşməninin neft gəmilərinə qarşı dəniz blokadasını sərtləşdirməsi nəticəsində səkkiz tanker kursunu dəyişməyə məcbur olub”.
Bəyanatda vurğulanır ki, üsyançılar Səudiyyə Ərəbistanının dəniz blokadasını davam etdirəcək və gəmilərinə çata biləcəkləri hər yerdə hücum edəcəklər.
Qeyd edək ki, 30 iyulda Səudiyyə Ərəbistanı və bir sıra digər ölkələr Bab əl-Məndəb boğazında, Qırmızı dənizdə və Ədən körfəzində naviqasiya azadlığını, beynəlxalq ticarət yollarını və enerji təchizatını qorumaq üçün mərkəzi Ər-Riyadda yerləşən dəniz koalisiyasının yaradıldığını elan ediblər. Qətərin "Əl-Cəzirə" televiziya kanalının məlumatına görə, Banqladeş, Bəhreyn, Cibuti, Misir, İordaniya, Yəmən, Qətər, Komor adaları, Küveyt, Pakistan, Somali, Sudan və Türkiyə alyansa qoşulublar.
Musavat.com
XƏBƏR LENTİ
04 Avqust 2026
ŞƏRHLƏRŞƏRH YAZ