Onlayn ictimai-siyasi qəzet
Rubio 200 biznesmenlə Özbəkistana gedir
ABŞ Dövlət Katibi Marko Rubio 17-22 oktyabr tarixlərində Özbəkistanın Səmərqənd şəhəri, Hindistanın Mumbay və Camnagar şəhərlərinə səfər edəcək.
Musavat.com xəbər verir ki, məlumatı ABŞ Dövlət Departamenti yayıb:
"Özbəkistanda katib Rubio bu çərçivə vasitəsilə strateji əməkdaşlığın ABŞ və Mərkəzi Asiya üçün daha dinc gələcəyə və rifaha necə töhfə verdiyini vurğulamaq üçün C5+1 formatında nazirlər görüşündə iştirak edəcək”. C5+1, ABŞ ilə Qazaxıstan, Qırğızıstan, Tacikistan, Türkmənistan və Özbəkistan arasında kollektiv əməkdaşlıq mexanizmidir. Vaşinqton təxminən 2015-ci ildən bəri bu formatdan istifadə edir. Rubio həmçinin bu ölkələrin nümayəndələri ilə ikitərəfli görüşlər keçirəcək.
Məlumatda qeyd olunur ki, Rubio ilə birlikdə Özbəkistana ABŞ-ın 200-dən çox iri biznes nümayəndəsi də gedəcək. Amerika tərəfi bunun "ABŞ və Mərkəzi Asiya arasında ticarət əlaqələrinin gücləndirilməsində yeni bir dövrün başlanğıcına" töhfə verəcəyinə inanır.
Hindistanda Rubio "ikitərəfli strateji tərəfdaşlığı gücləndirmək, regional və qlobal inkişaflar barədə fikir mübadiləsi aparmaq və enerji sektorunda əməkdaşlığın genişləndirilməsi perspektivlərini müzakirə etmək" üçün hökumət rəsmiləri ilə görüşəcək. Rubio həmçinin ticarət və iqtisadi məsələlərdə "genişləndirilmiş əməkdaşlıq imkanlarını təşviq etmək" üçün biznes nümayəndələri ilə görüşəcək.
Musavat.com
XƏBƏR LENTİ
14 Oktyabr 2026
ŞƏRHLƏRŞƏRH YAZ