Onlayn ictimai-siyasi qəzet
Ronaldinyonun futbola qayıdışı ilə bağlı iddialar təkzib edildi
Braziliya futbolunun canlı əfsanəsi Ronaldinyonun yenidən peşəkar futbola qayıdacağı ilə bağlı yayılan xəbərlərə aydınlıq gətirilib.
İtaliyanın Seriya C təmsilçisi Ravenna FC klubunun vitse-prezidenti Ariedo Braida Ronaldinyonun komandanın heyətinə qoşulacağı ilə bağlı məlumatların həqiqəti əks etdirmədiyini bildirib.
Braida qeyd edib ki, tərəflər arasında mümkün əməkdaşlıq yalnız marketinq layihələri ilə məhdudlaşacaq və keçmiş ulduz futbolçu klubun formasını geyinməyəcək.
Onun sözlərinə görə, Ronaldinyo ilə uzun illərə dayanan dostluq münasibətləri mövcuddur. Buna baxmayaraq, braziliyalının yenidən yaşıl meydanlara qayıtması gündəmdə deyil.
Qeyd edək ki, Ronaldinyo futbolçu karyerası ərzində FC Barcelona, Paris Saint-Germain, AC Milan və Braziliyanın bir sıra aparıcı klublarında çıxış edib. O, futbol tarixinin ən texnikalı oyunçularından biri hesab olunur.//Demokrat.az
XƏBƏR LENTİ
04 Iyul 2026
ŞƏRHLƏRŞƏRH YAZ