Onlayn ictimai-siyasi qəzet
"Hizbullah" ağır itkilər verir: İsrail ordusu Livanın cənubunda irəliləyir
İsrail Müdafiə Ordusu (SAXAL) Livanın cənubundakı strateji Marjuyun rayonunda "Hizbullah"ın bir qrup silahlısını amansız döyüşlər nəticəsində ləğv edib.
Musavat.com xəbər verir ki, martın 26-da səhər saatlarında daxil olan məlumata görə, İsrail bölmələri şəhərin girişində möhkəmlənməyə çalışan radikal qruplaşma üzvlərinə qarşı nöqtə zərbələri endirib. Qarşıdurma zamanı "Hizbullah"ın bir neçə tankı və hərbi texnikası dəqiq atəşlə sıradan çıxarılıb, düşmənin atəş nöqtələri susdurulub.
Ordu rəsmiləri bildiriblər ki, İsrail hərbçiləri ərazidə terror infrastrukturunu metodik şəkildə məhv etməyə davam edir və bu əməliyyat martın 2-dən bəri davam edən genişmiqyaslı "Livan müharibəsi"nin tərkib hissəsidir. Şahidlərin sözlərinə görə, Marjuyun və ətraf kəndlərdə partlayış səsləri kəsilmir, İsrail hərbi aviasiyası isə "Hizbullah"ın gizli anbarlarını və komanda mərkəzlərini hədəf alır.
Qeyd olunur ki, bu strateji yüksəkliklərin nəzarətə götürülməsi İsrailin şimal yaşayış məntəqələrini birbaşa raket atəşindən qorumaq üçün həlledici əhəmiyyət kəsb edir. Hazırda bölgədə gərginliyin pik həddə olduğu və hər iki tərəfin əlavə qüvvələr cəlb etdiyi bildirilir.
Musavat.com
XƏBƏR LENTİ
07 Iyun 2026
06 Iyun 2026
ŞƏRHLƏRŞƏRH YAZ