Onlayn ictimai-siyasi qəzet
“Bəzi bələdiyyə sədrləri iclasları formal keçirir”
Milli Məclisin bu gün keçirilən plenar iclasında Bələdiyyələrin fəaliyyətinə inzibati nəzarəti həyata keçirən orqanın 2025-ci ildə fəaliyyəti haqqında məruzəsinin müzakirəsi zamanı deputat Elman Nəsirov çıxış edib.
Musavat.com-un xəbərinə görə, o deyib ki, böyük şəhər bələdiyyəsinin qurulması kimi məsələlərə xüsusi yanaşmanın zamanı gəlib çatıb:
“Bu, yerliözünüidarəetmə sistemindəki fəaliyyətimizə müsbət təsir göstərər”.
Elman Nəsirov qeyd edib ki, əvvəllər bələdiyyə vergisi yığımı mümkünsüz hala çevrilmişdi:
“Söyləyirdilər ki, bunu necə etmək olar? İnsan bələdiyyələrin inkişafında maraqlıdırsa, bu qurumun fəaliyyətindən narazılıq edirsə, üzərinə düşən missiya bələdiyyənin vergisini ödəməkdir. Bunun qarşılığında tələblərini qoya bilirsən, bu prosesdə şəffaflığı tələb edirsən”.
Deputat bildirib ki, bəzi bələdiyyə sədrləri iclasları formal keçirir.
İclasda iştirak edən ədliyyə nazirinin müavini Toğrul Hüseynov deputatların fikirlərinə reaksiyasında bəzi bələdiyyələrin iclaslarının formal olaraq keçirildiyinə də toxunub. Bildirib ki, barəsində tənbeh tədbirləri görülən bələdiyyələrlə bağlı bu fakt da aşkarlanıb.
E.Paşasoy,
Musavat.com
XƏBƏR LENTİ
09 Iyun 2026
01:51 Paşinyanın böyük qələbəsi, yoxsa gizli məğlubiyyəti? – Ermənistan seçkilərinin bütün şifrələri
08 Iyun 2026
ŞƏRHLƏRŞƏRH YAZ