Onlayn ictimai-siyasi qəzet
Avropa Şurası zirvəsində Ukrayna ilə bağlı mühüm BƏYANAT
Brüsseldə keçirilən Avropa Şurasının zirvə toplantısından sonra Aİ liderləri Ukrayna və Avropanın müdafiəsi və təhlükəsizliyi ilə bağlı sənəd üzərində razılığa gəliblər.
Musavat.com Avropa Şurasının saytında dərc olunmuş rəsmi bəyanata istinadən xəbər verir ki, blok Ukraynaya kömək etmək və Rusiyaya təzyiqi artırmaq niyyətindədir.
Görüşdən sonra liderlər Ukraynanın müstəqilliyinə, suverenliyinə və ərazi bütövlüyünə sarsılmaz dəstəyini bir daha təsdiqləyiblər:
"Avropa İttifaqı Ukraynaya və onun xalqına, onun fikirlərini bölüşən tərəfdaşlar və müttəfiqlərlə əlaqələndirilərək geniş siyasi, maliyyə, iqtisadi, humanitar, hərbi və diplomatik dəstək göstərməyə davam edəcək".
Bundan əlavə, tərəflər aşağıdakı əsas məqamlar barədə razılığa gəliblər:
- Aİ Ukraynanın bloka qoşulması ilə bağlı ilk danışıqlar klasterinin açılmasını alqışlayır və qalan beş klasterin ləyaqət yanaşması əsasında açılmasını gözləyir;
- Sərhədlər güc yolu ilə dəyişdirilməməlidir və Ukraynada sülhə gedən yol Kiyevin iştirakı olmadan müəyyən edilə bilməz;
- Avropa Şurası müharibənin diplomatik yollarla dayandırılmasını dəstəkləyir və bu prosesdə daha fəal iştirak etməyə hazırdır;
- Avropa İttifaqı, xüsusən də "könüllülərin koalisiyası" və ABŞ ilə əməkdaşlıq, o cümlədən EUMAM və EUAM missiyaları vasitəsilə Ukrayna üçün etibarlı təhlükəsizlik zəmanətlərinin təmin edilməsinə töhfə verməyə hazırdır. Aİ həmçinin atəşkəsə nəzarət etməyə hazırdır;
- Aİ gələn qışa qədər Ukraynaya təcili bərpa, yenidənqurma və enerji ehtiyacları ilə bağlı kömək etmək, eləcə də Çernobıl AES-in mühafizə günbəzinin sürətli təmirini təmin etmək üçün səyləri artırmağa çağırıb;
- Aİ Ukraynanın bərpasını dəstəkləməyə sadiqdir və buna görə də 25-26 iyun tarixlərində Qdanskda keçiriləcək Ukraynanın Bərpası Konfransını səbirsizliklə gözləyir;
- Avropa Şurası 90 milyard dollarlıq kreditin ilk tranşının iyun ayının sonuna qədər ödəniləcəyinə ümid etdiyini bildirir;
-Avropa İttifaqı Ukrayna üçün hava hücumundan müdafiə sistemlərinin, sursatların, dronların və raketlərin təchizatını və istehsalını sürətləndirməyə çağırır;
- Avropa Şurası Rusiyaya təzyiqi artırmaqds qətiyyətlidir, buna görə də 21-ci sanksiya paketinin mümkün qədər tez qəbul edilməsinə nail olacaq;
Xatırladaq ki, Avropa Şurası sammitindən əlavə, Avropada Ramşteyn formatlı görüşünün 35-ci sessiyası da keçirilib. Görüşdən sonra Ukraynanın müdafiə naziri Mixaylo Fedorov görüşdə ölkə üçün təxminən 4 milyard dollarlıq yeni hərbi yardım paketlərinin elan edildiyini açıqlayıb.
Musavat.com
XƏBƏR LENTİ
27 Iyun 2026
26 Iyun 2026
ŞƏRHLƏRŞƏRH YAZ