Onlayn ictimai-siyasi qəzet
Meksikada daxili savaş – ABŞ narkokartellərlə müharibəyə qatılacacaqmı?
Meksika prezidenti Klaudiya Şeynbaum narkotik qaçaqmalçılığının yaratdığı iğtişaşların yatırıldığını iddia edib.
Musavat.com xəbər verir ki, mediada yayılan məlumatlar bunun şişirtmə olduğunu göstərir. İğtişaşların özü Vaşinqtonun təzyiqi altında Meksika Müdafiə Nazirliyinin "El Menço" kimi tanınan narkotik kartelinin rəhbəri Ruben Oseguera Servantesə qarşı əməliyyat başlamasından sonra baş verib. Onun qətli ölkəni bürüyən zorakılıq dalğasına səbəb olub.
Ötən həftə sonu yanan avtomobillərin, bağlanmış yolların və federal polis kimi xidmət edən milli qvardiyanın ölən üzvlərinin görüntüləri internetdə yayılıb. Narkokartel döyüşçüləri ölkə daxilində səfərbər edilib. 24 saat ərzində onlar təxminən 80 magistral yolu bağlayıblar, bir neçə pusqu qurublar və 23 məhbus xaosdan istifadə edərək həbsxanadan qaçıb. Bəzi məlumatlara görə, kartel hətta Xalisko ştatının paytaxtı Qvadalaxaradakı hava limanını da ələ keçirib. Ölkə hakimiyyəti bu məlumatı yalan adlandırıb. Bir çox ştatda iğtişaşlar baş verib, lakin prezidentin sözlərinə görə, bu, tez bir zamanda yatırılıb.
Şeynbaum 23 fevralda keçirilən mətbuat konfransında bildirib: "Meksika sülh içindədir, sakit vəziyyətdədir. Biz hər bir ştatda işləyirik".
Onun çıxışı “El Menço”nun tutulması əməliyyatının nəticələrinə yönəlib. Plan narkotik baronunu öldürmək yox, diri tutmaq olub, lakin o, həbs cəhdi zamanı ölümcül yaralanıb.
Sözügedən narkokartel Meksikada ən çox silahlanmış və çoxsaylı narkotik ticarəti qruplarından biri hesab olunur. Cinayətkar təşkilatın dövlət qurumlarında və təhlükəsizlik orqanlarında dərin kökləri var. O, xaricdə, o cümlədən ABŞ-da fəal şəkildə fəaliyyət göstərir və minlərlə üzvü var.
Ölkədə və ondan kənarda getdikcə belə bir fikir yayğınlaşır ki, ABŞ ordusu Meksikada narkokartellərlə müharibəyə daxil olmasa, Meksika hakimiyyəti onların öhdəsindən gələ bilməyəcək.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ