Onlayn ictimai-siyasi qəzet
Ermənistan parlamentində türk kababı və Ramil Səfərovun “daşı”
Ermənistan parlamenti yeni tərkibdə ilk iclasını keçirdi. Amma adı yenidir, həmin köhnə, kifli, ikrah doğuran, Azərbaycan və Türkiyəyə qarşı düşmənçilik toxumu səpənlərin iddialarını oxuduqca “qozbeli qəbir düzəldər” misalı yada düşür. Gənc olsalar da, qanı və düşüncəsi zəhər tuluğundan fərqlənməyən deputatların da cəm olduğu parlamentdən regionun gələcəyinə təhdidlər, katalizator funksiyasının icrası aydın sezilir.
Aylardır ev dustaqlığına məhkum edilmiş milyarder Samvel Karapetyanın qardaşı oğlu, “Güclü Ermənistan” fraksiyasının rəhbəri Narek Karapetyan zəhərli ilanların arasında xüsusilə seçilir.
Bölgədə sülhün əldə olunmamasından ötrü elə ilansayağı qabıqdan çıxmaqdadır, ilk tərkibin toplantısındaca zəhərini boşaldıb. Həmin bu Narek təklif edib ki, Azərbaycan vətəndaşlarının Ermənistanda 10 gündən artıq qalması və daşınmaz əmlak almaları qadağan edilsin. Təsəvvür edin, “Güclü Ermənistan” hədəfindədir, amma hesab edir ki, azərbaycanlılara qarşı düşmənçilik etməklə kadastr sənədi belə olmayan Ermənistanı güclülər sırasına daxil edə biləcək. Bu deputatcığaz unudur ki, onun yer tutduğu parlamentdə əslində azərbaycanlılar təmsil olunmalı idilər, əgər 1988-ci ildən başlayaraq azərbaycanlıların növbəti deportasiyası həyata keçirilməsəydi.
Deportasiyanın planlı şəkildə reallaşdırıldığını isə eks-prezident Levon Ter-Petrosyan 1993-cü il iyulun 23-də, Ağdamın işğalından sonra “Yerkrapa” könüllülər birliyinin – terrorçu təşkilatın - toplantısında aqıq etiraf etmişdi. Keçmiş prezidentin “Azərbaycanlıların üç rayonda çoxluq təşkil etməsi Ermənistan üçün təhdid idi”, etirafı erməni vandallarının iç üzünün ifşası idi. “Ermənistanı azərbaycanlılardan ona görə təmizlədik ki, onlar bizə hədəflərimizə çatmağa əngəl olacaqdılar. 170 min azərbaycanlı 3 rayonda çoxluq təşkil edirdilər. Zəngəzur boyu da çoxsaylı idilər. Biz onları təmizləməsəydik, həmin bölgələrdə problemlər yaşayacaqdıq, SSRİ dağılan kimi”, etirafı elə ikinci cani prezident Serj Sarkisyanın “Xocalıya qədər azərbaycanlılar elə düşünürdülər ki, bizimlə zarafat etmək olar”, sözləri kimi, Haaqa Tribunalının mühakimə predmetinə çevriləcək qədər ciddi etirafdır.
Baxın, Narek Karapetyan sərsəm təkliflər irəli sürərkən bunu “anti-Səfərov qanunu” adlandırıb və Budapeştdə Azərbaycan bayrağını təhqir edən erməni zabit Qurgen Markaryanın Ramil Səfərov tərəfindən qətlə yetirilməsi hadisəsini eşələyib. Cənab Səfərovun “daş”ı o qədər ağırdır ki, neçə illərdir əl çəkmirlər…O hadisənin üstündən xeyli vaxt keçib, amma narekkimilər fəsiləsinin üzvləri torpağı, yurd-yuvası işğal olunmuş azərbaycanlı sakinin, zabitin dövlət bayrağımızın təhqir olunmasına reaksiyada haqlı olduğunu hələ də qana bilməyib. Üstəlik, kin qusur türklərlə bağlı. Karapetyan bildirib ki, sülh Ermənistan üçün həqiqətən vacibdir, lakin demoqrafik təhlükəsizlik də bir o qədər əhəmiyyətlidir. Fraksiya rəhbəri qeyd edib ki, belə bir qanun, məsələn, Türkiyədə mövcuddur - Ermənistan vətəndaşlarının orada daşınmaz əmlak almaq hüququ yoxdur. Anlamazlıq o həddədir ki, ermənilərin Türkiyə və Azərbaycana vurduqları zərbələri hələ də dərk edə bilmir, ya da başa düşmək istəmir. Hayların zamanında Osmanlıya xəyanət etmələri, sonrakı dönəmlərdə Azərbaycanın tarixi ərazilərində ölkə qurmaq fürsəti əldə etməklə kifayətlənməyərək, saysız cinayətlər törətdiklərini hər gün müzakirə predmetinə çevirsək, gərək onların Qafqazdan çıxarılmalarını, Hindistana qaytarılmalarını şərt olaraq irəli sürək. Humanist Azərbaycan dövləti bunu etmir, münasibətləri sıfırdan başlamağı zəruri sayır, amma hansısa Narek səfeh iddialarla çıxış edir. Anlamır ki, sülhün əbədi olmasından ötrü bu cür sərsəmliklərə son qoymalıdırlar! Həmçinin, azərbaycanlıların Qərbi Ermənistana – öz evlərinə qayıdışı mütləq təmin olunmalıdır, bunun alternativi yoxdur!
Qafqazda qan davası salan, münasibətləri gərginləşdirən II Qaregin parlamentin ilk iclasından kənarda saxlansa da, Ermənistanın revanşist müxalifət qüvvələri, o cümlədən “Güclü Ermənistan” və “Ermənistan” bloklarının deputatları ümumerməni katolikosu II Qareginin ayağına gediblər, ondan “xeyir-dua” alıblar. II Qaregin bu görüşdə hakimiyyətin Ermənistan Apostol Kilsəsinə qarşı atdığı addımları “qanunsuz” və “antikonstitusion” adlandırıb. Göründüyü kimi, yenidən “qaşınırlar” və dinc oturmaq istəmirlər.
Düzdür, Ermənistan parlamentinin yeni sədri Ruben Rubenyan ilk çıxışında türk yeməklərinin ləzzətindən danışıb. “Türkiyədə yemək yeməyi sevərdim, kababı, xüsusən də Adana kababı. Çox bəyəndim. Ləzzətli dadı var idi. İsgəndər kababı yanında sous olarsa, bu, başqa bir ləzzətdir. Ləzzətli şeylər üçün ora tez-tez gedərdim”, Rubinyan deyib. Onun hətta türk kababları barədə dedikləri də revanşist hayları qəzəbləndirib. Rubenyanın “kabab” ifadəsini tribunadan səsləndirməsi də maraqlı məqam idi. Hakimiyyət türk kababı yemək istəyir, Azərbaycanla sülh bağlamağa cəhd göstərdiyini nümayiş etdirir, amma belə görünür revanşistlərin də səsini kəsməyə ciddi maraq göstərmir. İstəsə, revanşistlərin səsi mikrofondaca kəsilər, yaxud Ermənistanı revanşa sürükləyənlərin yolunu kəsər, Qareginlə görüşlərinə imkan verməzdi.
Deməli, oyun gedir, üstəlik, Paşinyan növbəti dönəm üçün qələbəsini təmin edib və parlamentdəki radikallar, üstəlik, təkbaşına qərar verə bilməməsini bəhanə kimi ortaya atacaq...Belələri ilə sülh əldə etmək elə də asan olmayacaq. Ümumiyyətlə, olacaqmı?.. Ermənistanda birdəfəlik başa düşməlidirlər ki, əgər Adana və İsgəndər kababı yemək, Azərbaycandan yanacaq almaq istəyirlərsə, o halda Qərbi azərbaycanlıların öz yurdlarına qayıdışına qarşı planlardan əl çəksinlər, 2020-ci ildə qarşımızı heç “Ohanyan səddi” ilə ala bilmədilər. Ötənlər onlara dərs olsun! Əks halda, kabab iyinə gedib görəcəklər ki...
Elşad PAŞASOY 
XƏBƏR LENTİ
04 Avqust 2026
ŞƏRHLƏRŞƏRH YAZ