Onlayn ictimai-siyasi qəzet
Biz neftimizi sata bilmək istəyirik – Əraqçi
İran həm yeni təcavüz mərhələsinə, həm də Vaşinqtonla münaqişənin diplomatik həllinə hazırdır və seçimi ABŞ prezidenti Donald Trampa buraxır.
Musavat.com xəbər verir ki, bunu İranın xarici işlər naziri Abbas Əraqçi NBC News-a verdiyi müsahibədə deyib: "Müharibə yenidən başlasa, biz tam hazırıq və təkrar edirəm ki, Yom Kippur müharibəsi olsa belə, istənilən yeni təcavüzə tab gətirəcəyik. Eyni zamanda, biz diplomatiyaya hazırıq. Seçim Prezident Trampdan asılıdır".
Trampın İranın Hörmüz boğazı ilə bağlı son təkliflərini rədd etməsini şərh edən nazir qeyd edib ki, Tehrana bu rədd barədə vasitəçilər vasitəsilə rəsmi olaraq məlumat verilməyib.
O, vurğulayıb ki, İran boğazın münaqişəyə son qoymaq üçün razılaşmanın bir hissəsi olaraq və aktivlərinin dondurulmasının ləğvi müqabilində açılmasını istəyir: "Biz neftimizi sata bilmək istəyirik".
XİN rəhbərinin sözlərinə görə, Tehranın şərtləri "yeni deyil" və iyun ayında ABŞ ilə İran arasında imzalanmış anlaşma memorandumunda göstərilənlərlə üst-üstə düşür.
Musavat.com
XƏBƏR LENTİ
13 Oktyabr 2026
ŞƏRHLƏRŞƏRH YAZ