Onlayn ictimai-siyasi qəzet
Avstraliya ABŞ-a yüzlərlə pilot və hərbi təyyarə göndərdi
Avstraliya ABŞ-a altı hərbi təyyarə və 220-dən çox pilot göndərib.
Musavat.com xəbər verir ki, məlumatı ölkənin Müdafiə Nazirliyi açıqlayıb. Bildirilir ki, məqsəd "Red Flag Nellis" və "Bamboo Eagle 26-1" təlimlərində iştirak etməkdir: "Avstraliya Kral Hərbi Hava Qüvvələri 227 pilotla birlikdə altı F-35A Lightning II və E-7A Wedgetail təyyarəsini Nevada ştatındakı Nellis Hərbi Hava Qüvvələri bazasına hava döyüş təlimlərində iştirak etmək üçün göndərib. Təlimlərə ABŞ və Birləşmiş Krallıqdan olan hərbi pilotlar da daxil olacaq".
Təkcə təyyarə heyətlərini deyil, həm də taktiki komandanlıq və idarəetmə qrupunu əhatə edən Avstraliya kontingentinin komandiri Metyu Deveson bildirib ki, manevrlər zamanı Avstraliya, Amerika və Britaniya hərbi personalının "inteqrasiya bacarıqlarını tətbiq etməyi və əsas müttəfiqlər və tərəfdaşlarla qarşılıqlı əlaqədə olmaq qabiliyyətlərini gücləndirməyi" planlaşdırırlar. O, təlimlərin "həm quru, həm də okean üzərində uzunmənzilli uçuşları, geniş hədəflərə zərbə endirməyi" əhatə edəcəyini qeyd edib: "Bunlar üç ölkənin hava qüvvələrindən çox sayda təyyarənin eyni vaxtda fəaliyyət göstərəcəyi genişmiqyaslı əməliyyatlar olacaq. Bu, qüvvələrimizin və tərəfdaş qüvvələrimizin həm indi, həm də gələcəkdə birlikdə problemsiz işləməyə hazır olmasını təmin edəcək".
Red Flag Nellis və Bamboo Eagle ABŞ və müttəfiq hava qüvvələri arasında yüksək texnologiyalı münaqişələrə hazırlıq məqsədi daşıyan ən böyük birgə hava qüvvələri təlimləridir.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ