Onlayn ictimai-siyasi qəzet
ABŞ Patriot-u əvəzləyəcək sistem axtarır - Uitaker
Şahid kamikaze dronlarına qarşı bahalı Patriot tutucu raketlərindən istifadə səmərəsizdir və ABŞ alternativ hava hücumundan müdafiə sistemləri axtarır.
Musavat.com xəbər verir ki, bunu ABŞ-ın NATO-dakı daimi nümayəndəsi Metyu Uitaker Fox Business-ə verdiyi müsahibədə deyib: "Hər hansı bir şirkət mənə və ya ABŞ-a müraciət etdikdə, mən həmişə onlardan Ukraynada istifadə olunub-olunmadığını soruşuram. İndi sual onların Yaxın Şərqdə, kim tərəfindən və necə istifadə olunmasıdır. Bəzi texnologiyalar həqiqətən fövqəladədir, onlardan biri də Patriot sistemidir. Lakin bir Patriot raketinin buraxılması 4 milyon dollara başa gəlir və onun effektivliyi 96-98 faizə çatır. Bu, xüsusilə 20.000 dollardan az olan Şahed dronlarından danışarkən çox bahadır".
Uitaker əlavə edib ki, hazırda ABŞ-da əldə olunan yeni müdafiə vasitələrini sınaqdan keçirməyə və bu texnologiyaların effektivliyini təmin etməyə imkan verən bir neçə "döyüş laboratoriyası" fəaliyyət göstərir.
Musavat.com
XƏBƏR LENTİ
05 Iyun 2026
04 Iyun 2026
ŞƏRHLƏRŞƏRH YAZ