Onlayn ictimai-siyasi qəzet
ABŞ Nümayəndələr Palatası Ukraynaya dəstək, Rusiyaya kötək qanununu qəbul etdi
ABŞ Nümayəndələr Palatası Rusiyaya qarşı sanksiyaları sərtləşdirən, Ukraynaya əlavə yardım nəzərdə tutan qanun layihəsini təsdiqləyib.
Musavat.com xəbər verir ki, 226 üzv sənədin lehinə, 195 nəfər əleyhinə səs verib.
Qanun layihəsi Rusiyanın Ukrayna ilə silahlı münaqişədə iştirak edib-etmədiyini, sülh müqaviləsinin şərtlərini pozub-pozmadığını və ya sülh yolu ilə həll üçün lazımi danışıqlar aparmadığını müntəzəm olaraq qiymətləndirməyi tələb edir. Sənəd Rusiya rəsmilərinə, maliyyə qurumlarına, neft-qaz sektoruna, kömür və mədən sənayesinə qarşı əlavə sanksiyaları, eləcə də Rusiya mal və xidmətlərinə gömrük rüsumlarının ən azı 500 faizə qədər artırılmasını əhatə edir.
Bundan əlavə, qanun layihəsi 2026 və 2027-ci maliyyə illərində Ukraynaya hər il 300 milyon dollarlıq əlavə hərbi yardımın göstərilməsini nəzərdə tutur.
Qanun layihəsi Nümayəndələr Palatasının Xarici İşlər Komitəsindəki reytinqli demokrat Qreqori Miks tərəfindən hazırlanıb.
Sənəd həmçinin Kiyevə 8 milyard dollarlıq hərbi kreditlərin verilməsini, silahların birbaşa Pentaqon anbarlarından daşınmasına imkan verən Ukrayna Müdafiə Yardım Proqramının (USAI) 2027-ci ilə qədər uzadılmasını da nəzərdə tutur.
Musavat.com
XƏBƏR LENTİ
05 Iyun 2026
ŞƏRHLƏRŞƏRH YAZ