İnsanlara hürriyət, millətlərə istiqlal!

ABŞ-dən sərt sanksiya, Bakı reysləri dayandı – İran aviasiyasına ağır zərbə

ABŞ-nin İrana qarşı yeni sanksiya paketinin təsiri regionda hava nəqliyyatında hiss olunmağa başlayıb.

Musavat.com xəbər verir ki, Azərbaycan Hava Yollarının (AZAL) məlumatına əsasən, İran aviaşirkətlərinin Azərbaycana uçuşları sentyabrın 22-dən dayandırılıb.

Buna səbəb ABŞ-nin İranın aviasiya sektoruna qarşı tətbiq etdiyi yeni sanksiyalar göstərilir.

ABŞ Maliyyə Nazirliyi sentyabrın 8-də İranın aviasiya sektorunu hədəfə alan geniş sanksiya paketi açıqlayıb. Paket çərçivəsində 27 İran aviaşirkəti sanksiya siyahısına daxil edilib.

ABŞ-nin maliyyə naziri Skott Bessent daha əvvəl bildirmişdi ki, İran aviaşirkətlərinin xaricdə fəaliyyət göstərməsi ciddi şəkildə çətinləşəcək. Xarici şirkətlərə İran aviaşirkətlərinə yanacaq, yerüstü xidmət və digər xidmətlərin göstərilməsinin sanksiya riski yarada biləcəyi barədə xəbərdarlıq edilib.

Yeni sanksiyaların İranın digər beynəlxalq hava əlaqələrinə də təsiri müşahidə olunur. İran aviaşirkətlərinin Gürcüstana uçuşlarının da dayandırıldığı, bəzi digər xarici istiqamətlər üzrə reyslərin ləğv edildiyi bildirilir.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

13.10.2026 150

Qarabağ ermənilərinə gözlənilməz cavab – İrəvandan uzaqda ev axtarın
13.10.2026 225

ABŞ Rusiyanın sərhədinə çıxdı – Qonşu ölkənin 1800 metr yüksəkliyində yeni məntəqə
13.10.2026 757

Ankarada Azərbaycanı “xilafət”ə çağırdılar – səfirlik önündə absurd şou - VİDEO

XƏBƏR LENTİ

13 Oktyabr 2026

BÜTÜN XƏBƏRLƏR