Onlayn ictimai-siyasi qəzet
Vanqadan qorxunc PROQNOZ: Əlinizdə nağd pul saxlamayın
Məşhur kəhanətləri ilə tanınan Vanqaya aid edilən 2027-ci il proqnozu yenidən gündəmə gəlib. İddialara görə, 2027-ci ildə qlobal iqtisadiyyata ciddi təsir göstərəcək "böyük maliyyə sarsıntısı" yaşana bilər. Bu vəziyyət investorların təhlükəsiz sığınacaq axtarışı ilə qızıla yönəlməsinə və qiymətlərin kəskin artmasına gətirib çıxara bilər.
Musavat.com xəbər verir ki, internetdə dövriyyəyə girən bu iddialar qlobal iqtisadiyyatda böyük bir krizisin baş verəcəyini öngörür. Lakin sözügedən proqnozun həqiqətən Vanqa tərəfindən səsləndirildiyini təsdiqləyən heç bir rəsmi və ya yazılı mənbə yoxdur.
Vanqanın adı ilə paylaşılan iddiaların mərkəzində bu dəfə 2027-ci il dayanır.
Məlumata görə, həmin il dünya iqtisadiyyatında dərin maliyyə böhranı yaşana, ənənəvi bank sisteminə olan etimad zəifləyə və qlobal miqyasda nağd pul qıtlığı ortaya çıxa bilər.
İddialardakı "böyük sarsıntı" ifadəsi təbii fəlakət və ya zəlzələni deyil, məhz qlobal maliyyə sistemində gözlənilən çökməni ifadə edir.
Ehtimallara əsasən, belə bir böhran zamanı investorlar öz vəsaitlərini qorumaq üçün daha etibarlı aktivlərə üz tutacaqlar. Bu məqamda ən cəlbedici investisiya vasitəsi kimi qızıl önə çıxır.
Bəzi internet mənbələrində bu ssenarinin gerçəkləşəcəyi təqdirdə qızılın dünya üzrə 25-40% arasında dəyər qazana biləcəyi iddia olunur. Lakin bu rəqəmlər nə Vanqanın təsdiqlənmiş kəhanətidir, nə də hər hansı rəsmi maliyyə analitikinə aiddir.
2027-ci il iddiası geniş rezonans doğursa da, "Vanqa həqiqətən belə bir kəhanət veribmi?" sualı açıq qalır.
Vanqaya aid edilən bu konkret iqtisadi proqnozu təsdiqləyəcək etibarlı sənəd mövcud deyil. 1996-cı ildə vəfat edən Vanqanın kəhanətlərinin böyük hissəsi şəxsi qeydlərinə deyil, şifahi rəvayətlərə və sonradan tərtib olunmuş siyahılara əsaslanır.
Musavat.com
XƏBƏR LENTİ
12 Oktyabr 2026
ŞƏRHLƏRŞƏRH YAZ