Onlayn ictimai-siyasi qəzet
Ukrayna baş prokuroru ölkədən qaçıb?
Ukraynanın baş prokuroru Ruslan Kravçenko istefası və ölkənin antikorrupsiya qurumları ilə kəskin qarşıdurma fonunda Ukraynanı tərk edib.
Musavat.com xəbər verir ki, Kravçenko ölkə xaricində olduğunu təsdiqləyib, lakin Litvaya xidməti ezamiyyətə getdiyini bildirib.
“Ukrainskaya Pravda”nın məlumatına görə, baş prokuror Ukrayna sərhədini gecə saatlarında xidməti avtomobillə keçib.
Ukrayna mediası Kravçenkonun ölkədən çıxmasından əvvəl həyat yoldaşının da xaricə getdiyini yazır.
Hadisəni daha diqqətçəkən edən isə baş prokurorun səfərindən dərhal əvvəl atdığı addımdır.
Kravçenko Ukrayna Milli Antikorrupsiya Bürosunun (NABU) direktoru Semyon Krivonosa qarşı şübhə sənədi imzalayıb. O, Krivonosu cinayət işlərinin materiallarını qanunsuz ələ keçirməkdə və sənədləri saxtalaşdırmaqda ittiham edib.
NABU və İxtisaslaşdırılmış Antikorrupsiya Prokurorluğu (SAP) isə Krivonosa rəsmi şəkildə şübhə elan edilmədiyini bildirib. Hər iki qurum baş prokurorun addımlarını Ukraynanın müstəqil antikorrupsiya institutlarına qarşı hücumun davamı kimi qiymətləndirib.
Kravçenko isə Litvaya səfərinin məhz yaranmış vəziyyətlə əlaqədar olduğunu deyir. Onun sözlərinə görə, ezamiyyət zamanı beynəlxalq tərəfdaşları Ukraynanın antikorrupsiya orqanlarında baş verənlər barədə məlumatlandıracaq.
Məsələnin başqa mühüm tərəfi Kravçenkonun artıq istefa ərizəsi verməsidir.
O, sentyabrın 7-də mümkün dələduz “call-center”lərinin himayə edilməsi işi çərçivəsində aparılan axtarışlardan sonra istefasını təqdim edib.
Ukrayna prezidenti Volodimir Zelenski bundan sonra baş prokurorun “yalnız bir çıxış yolu – istefa”sının olduğunu bəyan etmiş və Ali Radanı onun istefasını dəstəkləməyə çağırmışdı.
Beləliklə, Kravçenkonun gecə saatlarında ölkədən çıxması onun istefası, NABU və SAP-la qarşıdurması və antikorrupsiya sistemi ətrafında yaranmış qalmaqalın ən gərgin mərhələsinə təsadüf edib. Baş prokuror bunun adi xidməti ezamiyyət olduğunu bildirsə də, səfərin vaxtı Ukrayna mediasında ciddi müzakirələrə səbəb olub.
Musavat.com
XƏBƏR LENTİ
15 Sentyabr 2026
02:27 Ordumuzun 2022-ci ildəki zərbəsi İrəvanda unudulmur – Parlament sədrindən Rusiyaya ağır sözlər
14 Sentyabr 2026
ŞƏRHLƏRŞƏRH YAZ