Onlayn ictimai-siyasi qəzet
Sensasion nəticə: Bu insanların beyni 4 il daha gəncdir
Uzun illərdir cəmiyyətdə video oyunların “beyni korladığı” barədə formalaşmış fikir elmi araşdırmalarla təkzib olunub.
Musavat.com xəbər verir ki, son tədqiqatlar düzgün və ölçülü şəkildə oynanan video oyunların əksinə, koqnitiv qabiliyyətləri gücləndirdiyini ortaya qoyub.
Xüsusilə ekşen janrına aid oyunların beyinə müsbət təsir göstərdiyi bildirilir. Bu tip oyunlar oyunçudan xaotik vizual mühitdə saniyələr içində qərar verməyi tələb etdiyindən diqqət, reaksiya sürəti və məkan qavrayışı xeyli inkişaf edir. Araşdırmalara görə, geymerlər informasiyanı daha tez analiz edir, yeni bilikləri daha sürətlə mənimsəyir və diqqəti daha effektiv idarə edirlər.
Ən diqqətçəkən nəticə isə təcrübəli oyunçuların beyninin orta hesabla 4 il daha gənc görünməsidir. Alimlər bu effekti musiqi ilə məşğul olmaq və ya incəsənət fəaliyyəti ilə müqayisə edirlər.
Lakin mütəxəssislər mühüm bir məqama da diqqət çəkir. Bütün müsbət nəticələr yalnız qısa oyun sessiyaları zamanı müşahidə olunur. Optimal müddət gündə 30–60 dəqiqə hesab edilir.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ