Onlayn ictimai-siyasi qəzet
Rusiyanın Macarıstandakı ən böyük layihəsi təhlükədə
Macarıstanın Baş naziri Peter Magyar “Paks II” nüvə elektrik stansiyasının tikintisi üçün verilən ekoloji icazənin etibarlılığını şübhə altına alıb.
Musavat.com xəbər verir ki, baş nazir bu barədə keçirdiyi mətbuat konfransında danışıb: "”Paks I” nüvə elektrik stansiyası ərazisindəki hazırkı suyun səviyyəsi, “Paks II” üçün verilən ekoloji icazəni, eləcə də soyutma sistemi ilə bağlı icazəni şübhə altına alır".
Magyar əlavə edib ki, Dunay çayının aşağı səviyyəsi səbəbindən Budapeşt “Paks II” nüvə elektrik stansiyasının tikintisi üçün maliyyə strategiyasının tamamilə yenidən nəzərdən keçirilməsinə hazırlaşır ki, bu da stansiyada tamamlanma tarixinə təsir göstərə bilər.
Qeyd edək ki, “Paks II” AES-i Rusiyanın “Rosatom” şirkəti tikir. Şirkətin rəhbəri Aleksey Lixaçev stansiyanın tikintisinin yaxşı temp aldığını və macar podratçısı ilə razılaşdırılmış plana uyğun olaraq davam etdiyini açıqlamışdı: "Bir çox ekspertin fikrincə, “Paks-2” AES layihəsinin əsas parametrlərinin hipotetik şəkildə yenidən nəzərdən keçirilməsi təkcə enerji bloklarının istismara verilməsində əhəmiyyətli bir gecikməni deyil, həm də onun maliyyə modelinin fundamental şəkildə yenidən nəzərdən keçirilməsini tələb edəcək ki, bu da ölkənin ümumi inkişafına və xüsusən də vətəndaşlarının rifahına təsir göstərməyə bilməz".
Musavat.com
XƏBƏR LENTİ
20 Avqust 2026
ŞƏRHLƏRŞƏRH YAZ