İnsanlara hürriyət, millətlərə istiqlal!

Özgür Özələ qəti tələb – “Partiyanın adını dəyiş”

Türkiyədə Özgür Özəlin rəhbərlik etdiyi Yeni Partiya qurulmasından iki aya yaxın vaxt keçməmiş ad problemi ilə üzləşib.

Musavat.com xəbər verir ki, Türkiyə Baş Prokurorluğu Yeni Partiyaya partiyanın adının dəyişdirilməsi ilə bağlı bildiriş göndərib. Məsələ Öztürk Yılmazın rəhbərlik etdiyi Yenilik Partiyasının müraciətindən sonra gündəmə gəlib.

Yenilik Partiyası müraciətində “Yeni Partiya” və “Yenilik Partiyası” adlarının bir-birinə həddən artıq bənzədiyini və bunun seçicilər arasında qarışıqlıq yarada biləcəyini bildirib. Müraciətdə “yeni”, “yenilik” və “yenilikçi” sözlərinin türk dilində yaxın məna daşıdığı əsas gətirilib.

Etirazda daha bir mühüm detal göstərilib. 2024-cü il dekabrın 19-da Yüksələn Türkiyə Partiyasının sədri Duyğu Çil Sucuka “Yeni Partiya” adından istifadə etmək istəyib. Lakin həmin vaxt Yenilik Partiyasının etirazından sonra adların oxşarlığı əsas gətirilərək müraciət qəbul edilməyib. Yenilik Partiyası indi həmin qərarın hazırkı Yeni Partiyaya da tətbiq edilməsini istəyib.

Rəsmi siyasi partiyalar reyestrində Yeni Partiya 24 iyul 2026-cı ildə yaradılmış siyasi təşkilat kimi göstərilir və sədri Özgür Özəldir.

Yeni Partiya isə bu gün tələblə razılaşmadığını açıqlayıb. Partiyanın sözçüsü Zeynal Əmrə “Yeni Partiya” ilə “Yenilik Partiyası” adları arasında seçicini çaşdıracaq hüquqi oxşarlığın olmadığını bildirib və “Biz adımızı qoruyuruq” deyib. Partiya rəhbərliyi adını dəyişməyəcəyini və məsələ ilə bağlı Konstitusiya Məhkəməsinin qərarını gözləyəcəyini açıqlayıb.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

11.10.2026 492

Köpəkbalıqları izlədi, fırtınalar qayığını dağıtdı - 11 aylıq təkbaşına dəhşət - VİDEO
11.10.2026 278

"Qatillərin" əhatəsində inanılmaz hadisə – Ana balalarını xilas etmək üçün stansiyanı ələ keçirdi - VİDEO
11.10.2026 336

Qonşu ölkədə qırmızı kürü qızıl qiymətinə qalxdı – Böhranın qorxunc rəqəmləri

XƏBƏR LENTİ

11 Oktyabr 2026

10 Oktyabr 2026

BÜTÜN XƏBƏRLƏR