Onlayn ictimai-siyasi qəzet
Milyonlarla sürücüyə pul paylanacaq – Müharibə bu ölkəni hərəkətə keçirdi
Macarıstan hökuməti dizel yanacağının kəskin bahalaşmasından sonra milyonlarla avtomobil sahibinə maliyyə dəstəyi vermək qərarına gəlib.
Musavat.com xəbər verir ki, bu barədə Bloomberg məlumat yayıb.
Ödənişlər dizel mühərrikli avtomobil sahiblərinə şamil ediləcək. Hər avtomobil sahibi yalnız bir nəqliyyat vasitəsinə görə yardım ala biləcək.
Maliyyə dəstəyi dekabr ayı da daxil olmaqla aylıq bərabər hissələrlə veriləcək. Hər ödəniş 5 min forint, yəni təxminən 16 dollar təşkil edəcək.
Bu qərarın qəbul edilməsinə dizel yanacağının qiymətinin sürətlə yüksəlməsi səbəb olub. ABŞ ilə İran arasındakı müharibə fonunda Hörmüz boğazının qismən bağlanmasından sonra dizelin qiyməti son dörd ilin ən yüksək həddinə çatıb.
Yanacağın bahalaşması ölkə daxilində siyasi müzakirələri də gücləndirib. Müxalifət may ayında yeni hökumət tərəfindən ləğv edilən benzin qiymətlərinə dövlət nəzarətinin yenidən tətbiq edilməsini tələb edir.
Hakimiyyət isə bu təklifi qəbul etmir. Hökumət bildirir ki, qiymətlərin dövlət tərəfindən tənzimlənməsi onsuz da məhdud imkanlara malik büdcəyə əlavə yük yaradacaq, yaxın həftələrdə yanacaq çatışmazlığına səbəb ola və vətəndaşları daha ucuz yanacaq almaq üçün qonşu ölkələrə getməyə sövq edən “yanacaq turizmi”ni gücləndirə bilər.
Musavat.com
XƏBƏR LENTİ
12 Oktyabr 2026
ŞƏRHLƏRŞƏRH YAZ