Onlayn ictimai-siyasi qəzet
Hidrogenlə 653 km/saat – britaniyalı pilot dünya rekordunu darmadağın etdi
Britaniyalı əfsanəvi sürücü Endi Qrin hidrogenlə işləyən daxiliyanma mühərrikli avtomobillər arasında yeni dünya sürət rekordu müəyyənləşdirib.
Musavat.com xəbər verir ki, 64 yaşlı Qrin ABŞ-nin Yuta ştatındakı Bonnevil duz düzənliyində 653,9 km/saat sürətə çatıb. Bununla da o, əvvəlki 298,5 km/saatlıq rekordu iki dəfədən çox üstələyib.
Rekord üçün Britaniyanın JCB şirkətinin hazırladığı 9,75 metr uzunluğunda xüsusi avtomobildən istifadə olunub. Maşının iki hidrogen mühərriki birlikdə 1600 at gücü hasil edir. Nəticənin rəsmiləşdirilməsi üçün Qrin əks istiqamətlərdə iki yürüş həyata keçirib.
Endi Qrin sürət rekordları tarixinin ən məşhur adlarından biridir. O, 1997-ci ildə reaktiv mühərrikli “Thrust SSC” avtomobili ilə 1228 km/saat sürət yığaraq quruda səs səddini aşmışdı. Həmin mütləq dünya rekordu indiyədək yenilənməyib.
Musavat.com
XƏBƏR LENTİ
18 Avqust 2026
ŞƏRHLƏRŞƏRH YAZ