İnsanlara hürriyət, millətlərə istiqlal!

Gəncədə iki pensiyaçı domino üstündə dalaşdı, biri öldü - TƏFƏRRÜAT

Gəncədə çayxanada domino oynayan iki pensiyaçı arasında yaranan mübahisə ölümlə nəticələnib.

Musavat.com xəbər verir ki, hadisə şəhər ərazisində fəaliyyət göstərən çayxanalardan birində baş verib.

İlkin məlumata görə, 65 yaşlı Musa Musayevlə 66 yaşlı Nizami İskəndərov domino oynayarkən aralarında söz atışması yaranıb. Mübahisə həmin vaxt sakitləşdirilsə də, tərəflər bir müddət sonra yenidən qarşılaşıblar. Bu dəfə mübahisə davaya çevrilib.

Dava zamanı Nizami İskəndərovun Musa Musayevə kəsici alətlə xəsarət yetirdiyi bildirilir. Ağır yaralanan 65 yaşlı kişi xəstəxanaya aparılarkən yolda həyatını itirib.

Daxili İşlər Nazirliyinin məlumatına⁠ görə, polis əməkdaşlarının keçirdikləri tədbirlər nəticəsində hadisəni törətməkdə şübhəli bilinən 66 yaşlı Nizami İskəndərov saxlanılaraq istintaqa təhvil verilib.

Faktla bağlı Gəncə Şəhər Prokurorluğunda cinayət işi üzrə araşdırma aparılır. Hadisənin bütün təfərrüatları istintaqın gedişində müəyyənləşdiriləcək.

Musavat.com

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

22.08.2026 466

Gəncədə iki pensiyaçı domino üstündə dalaşdı, biri öldü - TƏFƏRRÜAT

22.08.2026 996

Bakıda dəhşətli qətl - Qardaşını bıçaqlayıb öldürdü
22.08.2026 1252

Gəncədə boğularaq öldürülən qadının FOTOSU

XƏBƏR LENTİ

22 Avqust 2026

BÜTÜN XƏBƏRLƏR