Onlayn ictimai-siyasi qəzet
Dəhşətli hadisədə ölən bacı-qardaşın əmisindən ürəkdağlayan sözlər - VİDEO
Türkiyənin İstanbul şəhərinin Maltəpə rayonunda yeddimərtəbəli yaşayış binasının çökməsi nəticəsində həyatını itirən Zeynep İnan və Ahmet Muhammed İnan adlı bacı-qardaşın cənazələri yaxınlarına təhvil verilib.
Musavat.com Türkiyə mətbuatına istinadla xəbər verir ki, cənazələri Məhkəmə-Tibbi Ekspertiza İdarəsindən qəbul edən Tevfik İnan göz yaşlarına hakim ola bilməyib.
Mərhum bacı-qardaşın əmisi İnan Ahmetin böyük arzularının olduğunu bildirib:
“Ahmetin xəyalları böyük idi. Yeni avtomobil almışdı. Allah ona avtomobilinə minməyi qismət etmədi”.
Xatırladaq ki, Cevizli məhəlləsində, Doğu küçəsində yerləşən 7 mərtəbəli binanın ilk üç mərtəbəsi srağagün saat 05:40 radələrində çöküb. Hadisə barədə məlumat daxil olduqdan sonra əraziyə Fövqəladə Halların İdarə Olunması İdarəsinin (AFAD), Milli Tibbi Xilasetmə Qrupunun (UMKE), yanğınsöndürmə, təcili tibbi yardım və polis əməkdaşları cəlb olunub.
Axtarış-xilasetmə əməliyyatları zamanı dağıntılar altından 9 nəfər sağ çıxarılıb. Lakin hadisə nəticəsində biri xəstəxanada, dördü isə hadisə yerində olmaqla, 5 nəfər həyatını itirib.
Musavat.com
XƏBƏR LENTİ
12 Oktyabr 2026
ŞƏRHLƏRŞƏRH YAZ