Onlayn ictimai-siyasi qəzet
Azərbaycanın GUAM-dakı müttəfiqi fevralda MDB-dən çıxır - Sırada kim?
Bu ay Modova hökumət yekun qərar verəcək - Rusiya adamlarını hərəkət keçirdi
Azərbaycanın GUAM-dakı (Gürcüstan, Ukrayna, Azərbaycan, Moldova) müttəfiqi Ukraynadan sonra Moldova da MDB-dən çıxmaqda qərarlı kimi görünür. Yada salaq ki, Gürcüstan 2008-ci ilin avqust müharibəsindən sonra MDB-ni tərk edib və 2009-cu ildə bu qərar rəsmən qüvvəyə minib. Ukrayna isə MDB-nin təsis sənədlərini heç vaxt ratifikasiya etməsə də, 2014-cü ildən sonra Birliyin strukturlarında iştirakını faktiki olaraq dayandırıb və sonrakı illərdə MDB çərçivəsində bir sıra sazişlərdən çıxıb.
Musavat.com xəbər verir ki, Moldova yaxın gələcəkdə üç fundamental sənədi ləğv etməyi planlaşdırır: MDB Nizamnaməsi, Birliyin yaradılması haqqında müqavilə və onun əlavəsi.
"Lazımi sənədlər təsdiq üçün milli qurumlara göndərilib", - deyə Moldova Xarici İşlər Nazirliyindən bildirib.
2026-cı ilin fevral ayının ortalarına planlaşdırılan hökumət təsdiq prosedurları başa çatdıqdan sonra sənədlər təsdiq üçün parlamentə təqdim ediləcək və burada yekun qərar deputatlar tərəfindən veriləcək.
Parlament səsverməsi fevralın sonu və ya martın əvvəlində keçiriləcək. Daha sonra ləğv Moldova Prezidenti tərəfindən təsdiqlənəcək, bundan sonra Xarici İşlər Nazirliyi rəsmi geri çəkilmə notası verəcək. Bütün prosedur bir il ərzində başa çatacaq. Bu səbəbdən Rusiya artıq Modovanın bu qərarına qarşını almaq üçün tərəfdarlarını hərəkətə keçirib.
Bu barədə “İzvestiya” nəşri də yazıb. Bildirilir ki, Moldova müxalifəti hökumətin qarşısını kəsmək üçün referendum təşəbbüsü ilə çıxış etmək istəyir. Bunun üçün 100 min imza toplamalıdırlar. İddia olunur ki, sorğulara görə, əhalinin əhəmiyyətli bir hissəsi MDB ilə əlaqələrin kəsilməsinə qarşıdır. Hakim elita isə Rusiyanın qondarma referendum ideyasına qarşıdır, buna görə referendum təşəbbüskarlarının Mərkəzi Seçki Komissiyasında qeydiyyata almaqdan imtina edə bilərlər.
Qeyd edək ki, Moldovada 2024-cü ildə konstitusiya referendumu keçirilib və Aİ üzvlüyünü əsas xarici siyasət məqsədlərindən biri kimi müəyyən edilib. Belə ki, əhalinin 50,35% qoşulmağın lehinə, 49,65% isə əleyhinə səs verib. Parlament üzvü və keçmiş baş nazir Vasile Tarlev hesab edir ki, MDB-dən çıxmaq ölkədə bölünməni daha da dərinləşdirəcək.
Onun sözlərinə görə, referendum keçirilsə və əksəriyyətin MDB-dən çıxmağa qarşı səs verməsi halında belə, Konstitusiya Məhkəməsi nəticəni tanımayacaq. Üstəlik, Moldova AB-yə daxil olmaq üçün namizəd ölkədir və onun sözlərinə görə, onun xarici siyasəti Avropa Komissiyası tərəfindən tam şəkildə əlaqələndirilir.
O əlavə edib ki, "MDB yalnız Rusiya deyil- bu, həm də Belarus, Qazaxıstan, Azərbaycan və Moldovanın sərbəst ticarət müqavilələri sayəsində rüsumsuz ticarətdən istifadə etdiyi digər ölkələrdir. Bu bazarlardan imtina etmək öz iqtisadiyyatımızı qəsdən zəiflətmək demək olardı".
MDB ölkələri ilə ticarət Moldovanın ümumi balansının əhəmiyyətli bir hissəsini təşkil edir. Milli Statistika Bürosunun məlumatına görə, 2024-cü ildə MDB ölkələrinə ixrac 241,6 milyon dollar təşkil edib.
MDB-dən çıxmağın ölkə üçün şok olmayacağına dair başqa bir baxış bucağı da var, çünki ölkə bir neçə ildir iqtisadi yenidən istiqamətləndirmə məntiqi çərçivəsində yaşayır.
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ