Onlayn ictimai-siyasi qəzet
Almaniyada iki əyalətdə seçki keçirilir - Mertsin gələcəyi təhlükədə
Bu gün Almaniyanın iki əyalətində (ştatında) seçicilər səsverməyə gedib. Bu proses çətin vəziyyətdə olan kansler Fridrix Mertsin siyasi gələcəyini sual altına qoyur və mövqelərini gücləndirən ifrat sağçı qüvvələrin daha çox uğur qazanmaq cəhdləri ilə müşayiət olunur.
Musavat.com xarici mediaya istinadla xəbər verir ki, Kreml yönümlü "Almaniya üçün Alternativ" (AfD) partiyasının Saksoniya-Anhalt ştatındakı regional seçkilərdə əldə etdiyi sarsıdıcı seçkilərdən iki həftə sonra keçiriləcək seçkidə həmin millətçi partiyanın yenidən Xristian Demokratik İttifaqı (CDU) partiyasını üstələyəcəyi gözlənilir.
Seçkinin nəticələri Mertsin 16 aylıq hakimiyyətinə təhlükə yarada, onun əvəzlənməsi və ya hətta növbədənkənar seçkilərin keçirilməsi prosesini işə sala bilər
Seçkiyə gedən paytaxt Berlində təxminən 2,5 milyon, Baltik dənizi sahilində yerləşən Meklenburq-Qərbi Pomeraniya ştatında isə təxminən 1,3 milyon nəfərin səsvermə hüququ var. Seçki məntəqələri bu gün yerli vaxtla səhər saat 8-də açılıb və axşam saat 6-da bağlanacaq. Həmin vaxt Merz və onun müttəfiqləri böyük həyəcanla "exit-poll" nəticələrini izləyəcəklər.
Uğursuzluqlarla üzləşən kansler istefa çağırışlarına qarşı çıxıb və Almaniyanın gələcəyi üçün həlledici hesab etdiyi iqtisadi və sosial rifah islahatları paketi uğrunda mübarizə aparacağına söz verib.
O, bir sənaye qrupu qarşısında çıxış edərkən deyib: "Biz hökumət olaraq dörd illik müddətə seçilmişik, mən də dörd illik müddətə seçilmişəm. Və mən bu dörd ildən ölkəni çətin vəziyyətdən çıxarmaq üçün istifadə etmək istəyirəm".
Hazırda Mertsin şəxsi reytinqi kəskin şəkildə 10%-ə düşüb. O, BMT Baş Assambleyasında çıxış etmək planını ləğv edib.
Musavat.com
ƏLAQƏLİ XƏBƏRLƏR
XƏBƏR LENTİ
13 Oktyabr 2026
00:33 Böyük Britaniyadan İrana qarşı SANKSİYA ZƏRBƏSİ: Baş nazir SEPAH-ın partlayış planını açıqladı
12 Oktyabr 2026
ŞƏRHLƏRŞƏRH YAZ