İnsanlara hürriyət, millətlərə istiqlal!

Zəlzələ Ərdoğanı yıxacaqmı?

“Cümhuriyət” qəzetinin baş redaktoru olmuş Can Dündar (1961) AKP iqtidarına qarşı radikal müxalifətdə olan araşdırmaçı jurnalist kimi tanınır. Türkiyədə iqtidar tərəfindən təqib olunduğuna görə 2016-ci ildən Almaniyada siyasi mühacir kimi yaşayır. Ziddiyyətli adamdır.

Məsələn, onun Mustafa Kamal Atatürkün həyatından bəhs edən filmi 2008-ci ildə yayımlanadı. O, Atatürkü mühakimə etdiyinə və pislədiyinə görə ciddi tənqidlərə məruz qaldı...

Bugünlərdə o, belə bir fikir səsləndirdi ki, Ərdoğan zəlzələ üzərindən hakimiyyətə gəldi, elə zəlzələ üzərindən də iqtidardan gedəcək.

Azərbaycanda Ərdoğana "Şərdoğan" deməklə xoşbəxt olan zehniyyət bu fikirdən dördəlli yapışdı.

Söhbət hansı zəlzələdən gedir? 1999-cu ildə Türkiyənin İzmit şəhərində dəhşətli zəlzələ baş verdi. Avqustun 17-də baş verən 7,6 bal gücündə olan zəlzələ zamanı 18 mindən çox adam öldü. 5 mindən çox adam itkin düşdü. Zəlzələ zamanı 40 min nəfərin öldüyünü deyən mənbələr də var. Ancaq bu, qeyri-rəsmi mənbələrdir.

Ümumilikdə zəlzələ nəticəsində Türkiyəyə 25 milyard dollar zərər dəymişdi.

Xatırladıram: AKP 2001-ci ilin avqustunda yaranıb. 2002-ci ildə isə iqtidara gəlib. Yəni arada ən azı 3 il fərq var. Ərdoğan iddia etdiyiniz kimi, zəlzələyə görə yox, 1997-ci ildə Siirtdə mitinq zamanı oxuduğu "Balkan Savaşı"na bağlı şerə görə məşhurlaşdı. Bu şerə görə də özünə demokrat deyənlər (Süleyman Dəmirəl) onu həbs etdi. Özü də o, həbs olunanda o boyda İstanbulun bələdiyyə sədri idi. 10 ay cəza aldı, 4 ay zindanda qaldı...

Şübhəsiz ki, Ərdoğan müəyyən çıxışlarında İzmit zəlzələsi ilə bağlı tənqidi fikirlər səsləndirib. Ancaq bu zəlzələ söhbəti onun siyasi nüfuzuna elə bir ciddi təsir etməyib. Bu, heç mümkün də deyil. Yuxarıda vurğuladığım kimi, arada 3 illik fərq var. Tayyip Ərdoğan İstanbul Böyükşəhər Bələdiyyəsinin sədri olduğu illərdə (1994-1998) gördüyü möhtəşəm işlərə görə şəhər sakinləri arasında şöhrət qazandı. Yəni adam əməllərinə görə xalq tərəfindən sevildi. Səbəb budur...

 

Elbəyi HƏSƏNLİ, SÜRİX

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

07.07.2024 1654

Borrel Orban və Tatarın Şuşa səfərini niyə pisləyir...
07.07.2024 1324

Azərbaycanın ali qonaqlarına dil uzadanlar, Şuşa haqqı peşman olacaqsınız!  
06.07.2024 1041

Məsud müəllim üçün xeyir-dua - Zamin Hacı YAZIR

YAZARIN DİGƏR YAZILARI

23 Iyun 2024

22 Iyun 2024

16 Iyun 2024

10 Iyun 2024

05 Iyun 2024

25 May 2024

23 May 2024

15 May 2024

03 May 2024

02 May 2024

04 Aprel 2024

03 Aprel 2024

01 Aprel 2024

27 Mart 2024

23 Mart 2024

20 Mart 2024

17 Mart 2024

16 Mart 2024

14 Mart 2024

13 Mart 2024

11 Mart 2024

17 Fevral 2024

14 Fevral 2024

13 Fevral 2024

09 Fevral 2024

06 Fevral 2024

05 Fevral 2024

01 Fevral 2024

27 Yanvar 2024