Onlayn ictimai-siyasi qəzet
Ukrayna Rusiyanın strateji obyektlərini VURDU
Yanvarın 1-nə keçən gecə Ukrayna Müdafiə Qüvvələri Krasnodar diyarındakı İlski neft emalı zavoduna, eləcə də Donetsk vilayətinin müvəqqəti işğal olunmuş ərazilərindəki bir neçə Rusiya hərbi obyektinə zərbələr endirib.
Musavat.com xəbər verir ki, bu barədə Ukrayna Silahlı Qüvvələrinin Baş Qərargahı məlumat verib.
"Rusiyanın hərbi-iqtisadi potensialının azaldılması tədbirləri çərçivəsində, 1 yanvar gecəsi Ukrayna Müdafiə Qüvvələrinin bölmələri bir sıra mühüm Rusiya obyektlərinə zərbələr endirib", - deyə bəyanatda bildirilir.
Xüsusilə, Rusiyanın Krasnodar diyarındakı İlski neft emalı zavoduna zərbə endirilib. Hücum dronlarının hədəfə dəyməsi və ardınca obyektdə yanğın baş verdiyi qeydə alınıb.
Tatarıstan Respublikasındakı Almetyevskaya neft emalı zavodu da yanğına məruz qalıb. Hədəf vurulub və nəticələr dəqiqləşdirilir.
Donetsk yaxınlığında "Şahed/Geran" dronlarının saxlandığı anbara zərbə endirilib.
Şevçenko kəndi yaxınlığında isə "Tor-M2" zenit-raket sistemi vurulub.
İlovaysk şəhəri yaxınlığında düşmənin 51-ci Ordusuna məxsus yanacaq-sürtkü materialları anbarına da zərbə endirilib. Obyektdə yanğın baş verdiyi bildirilib.
Bundan əlavə, Avdievka ərazisində 150-ci Motoatıcı Diviziyasının 68-ci Tank Alayının hücum dəstəsinin komanda və müşahidə məntəqəsi vurulub.
Xüsusi Əməliyyat Qüvvələri də Donetsk bölgəsindəki Rusiya hərbi hədəflərinə zərbələr endirdiyini təsdiqləyib.
Musavat.com
XƏBƏR LENTİ
07 Iyun 2026
ŞƏRHLƏRŞƏRH YAZ