Onlayn ictimai-siyasi qəzet
Rusiyanın G8-ə qayıtması üçün şərtlər mövcud deyil – Makron
Fransa Prezidenti Emmanuel Makron Rusiyanın Böyük Səkkizlik (G8) formatına qayıtmasına qarşıdır.
Musavat.com xəbər verir ki, Makron bu barədə Yohannesburqda keçirilən G20 sammiti zamanı jurnalistlərə danışıb. Onun fikrincə, hazırda Rusiyanın G8 formatına qaytarılması üçün şərtlər mövcud deyil: "Bu gün Rusiyanın G8-ə qayıtması üçün şərtlər yerinə yetirilməyib. Üstəlik, bu format bütün iştirakçıların yekdil razılığından asılıdır". Makron əlavə edib ki, Fransa 2026-cı ildə G7-yə sədrlik edəcəyi təqdirdə bu məsələdə "başqalarına nə edəcəklərini deməyəcək".
Eyni zamanda o, Braziliya, Hindistan, Çin və Cənubi Afrikanı qeyd edərək qrup xaricindəki ölkələrlə sıx əməkdaşlıq çərçivəsində "Fransa G7-ni qurmaq" niyyətini ifadə edib: "Bizim orijinal və bir qədər yeni formatımız olacaq, çünki bizə birlik lazımdır".
Bir müddət əvvəl "The Wall Street Journal" qəzeti Ukrayna münaqişəsinin həlli üçün Amerika planına Rusiyanın G8-ə dəvət edilməsi təklifinin daxil olduğunu bildirmişdi. Nəşr qeyd edib ki, bu halda sanksiyaların ləğvi hər ölkə üçün fərdi qaydada həll ediləcək.
Musavat.com
XƏBƏR LENTİ
21 Iyul 2026
ŞƏRHLƏRŞƏRH YAZ