Onlayn ictimai-siyasi qəzet
Rubio Əbu-Dabiyə zəng etdi
ABŞ dövlət katibi və Prezidentin milli təhlükəsizlik məsələləri üzrə köməkçisi Marko Rubio və Birləşmiş Ərəb Əmirlikləri prezidentinin milli təhlükəsizlik müşaviri Şeyx Təhnun bin Zayed Əl Nəhyan telefonla danışıblar.
Musavat.com Dövlət Departamentinin sözçüsü Tommi Piqottun açıqlamasına istinadən xəbər verir ki, danışıq zamanı İran və Hörmüz boğazında gəmiçiliklə bağlı vəziyyət müzakirə edilib:
"Livandakı vəziyyət də daxil olmaqla bir sıra regional təhlükəsizlik məsələlərini, eləcə də İranı və onun regional nümayəndələrini məsuliyyətə cəlb etmək üçün ABŞ ilə BƏƏ arasında davamlı koordinasiyanı müzakirə ediblər".
Diplomat yekun olaraq bildirib ki, "Katib Rubio Hörmüz boğazından naviqasiya azadlığının vacibliyini vurğulayıb".
17 avqustda Reuters agentliyi Əbu-Dabi Milli Neft Şirkətinin (ADNOC) üç gəmisinə hücumlar barədə xəbərlərdən sonra Hörmüz boğazından keçən gəmilərin sayının həftəsonu minimuma düşdüyünü bildirib. 13-14 avqust tarixlərində ADNOC boğazdan keçərkən üç gəmisinə hücum edildiyini açıqlayıb.
Musavat.com
XƏBƏR LENTİ
19 Avqust 2026
ŞƏRHLƏRŞƏRH YAZ