Onlayn ictimai-siyasi qəzet
Milli Müdafiə Universiteti Rəşad Əhmədovla bağlı AÇIQLAMA YAYDI
"Bəzi media subyektlərində ehtiyatda olan hərbi qulluqçu Rəşad Əhmədovun Milli Müdafiə Universiteti ilə Elm və Təhsil Nazirliyi arasında koordinator vəzifəsinə təyin olunması barədə paylaşılan məlumatlar əsassızdır və həqiqəti əks etdirmir".
Bu barədə Musavat.com-a Milli Müdafiə Universitetindən bildirilib.
"Media nümayəndələrinin fərdin özü və ya Müdafiə Nazirliyi ilə dəqiqləşdirmədən məlumat tirajlaması yolverilməzdir və şəxslərin işgüzar fəaliyyətlərinə mənfi təsir göstərir", - məlumatda qeyd olunub.
***
Polkovnik Rəşad Əhmədova yeni vəzifə veriləcək.
Polkovnik Rəşad Əhmədovun Milli Müdafiə Universiteti ilə Elm və Təhsil Nazirliyi arasında koordinator vəzifəsinə təyin olunması nəzərdə tutulur.
Məlumata əsasən, o, yaxın vaxtlarda bu vəzifədə fəaliyyətə başlayacaq.
Qeyd edək ki, Rəşad Əhmədov hazırda Milli Müdafiə Universitetinin rektor müşaviri vəzifəsində çalışır.
O, daha əvvəl Müdafiə Nazirliyinin Beynəlxalq Hərbi Əməkdaşlıq İdarəsində Beynəlxalq Təşkilatlarla və Qərb ölkələri ilə əməkdaşlıq şöbəsinin rəis müavini vəzifəsində xidmət edib. Attaşelik sahəsində də təcrübəyə malik olan polkovnik ABŞ və Böyük Britaniyada müxtəlif hərbi attaşelik vəzifələrində fəaliyyət göstərib.
Rəşad Əhmədov Heydər Əliyev adına Azərbaycan Ali Hərbi Məktəbinin məzunudur./Bakıvaxtı.az/
XƏBƏR LENTİ
12 Avqust 2026
11 Avqust 2026
ŞƏRHLƏRŞƏRH YAZ