Onlayn ictimai-siyasi qəzet
Helikopter qəzası ilə bağlı araşdırmanın ilkin nəticələri açıqlandi
İran Silahlı Qüvvələrinin Baş Qərargahı göyərtəsində İran Prezidenti Seyid İbrahim Rəisinin də olduğu təyyarə qəzası ilə bağlı aparılan araşdırmanın ilkin nəticələrini açıqlayıb.
“Report” xəbər verir ki, bu barədə İran Silahlı Qüvvələrinin Baş Qərargahının mətbuat xidməti məlumat yayıb.
Qeyd olunub ki, qəzaya uğrayan helikopterin gövdəsində güllə izlərinə rast gəlinməyib.
Hesabatda qeyd edilib ki, helikopter qəzasından təxminən 90 saniyə əvvəl pilot onunla birlikdə uçan digər iki helikopterlə əlaqə saxlayıb. Rəisiyə məxsus helikopter əvvəlcədən planlaşdırılan marşrut üzrə uçuşunu davam etdirib və təyin olunmuş uçuş yolundan kənara çıxmayıb.
Helikopter yüksəklikdən yerə çırpıldıqdan sonra alovlanıb.
Xatırladaq ki, mayın 19-da İran Prezidenti İbrahim Rəisi və onu müşayiət edən heyətin hamısı helikopter qəzasında həlak olub.
Helikopterin göyərtəsində xarici işlər naziri Hüseyin Əmir Abdullahiyan, Şərqi Azərbaycan əyalətinin qubernatoru Malik Rahmati və Təbriz şəhərinin cümə imamı Məhəmməd Ali əl-Haşim də olub.
XƏBƏR LENTİ
16 Iyun 2024
ŞƏRHLƏRŞƏRH YAZ