Onlayn ictimai-siyasi qəzet
Dünyanın ən varlı ölkələrində “xoşbəxtlik böhranı” – Maaş ikiqat azdır
Yeni araşdırma dünyanın ən yüksək gəlirli ölkələrindən bəzilərində orta əməkhaqqı ilə “xoşbəxtlik üçün lazım olan gəlir” arasında böyük fərq olduğunu göstərib.
Musavat.com xəbər verir ki, ABŞ orta illik əməkhaqqına görə araşdırmada üçüncü yerdədir – 75 300 dollar. Bununla belə, ölkədə maksimum rifah səviyyəsi ilə əlaqələndirilən illik gəlir 134 800 dollar hesablanıb. Beləliklə, orta əməkhaqqı bu həddin yalnız 55,8 faizini qarşılayır.
Ən yüksək “xoşbəxtlik qiyməti” isə Avstraliyada qeydə alınıb. Burada maksimum rifah üçün hesablanan illik gəlir 161 300 dollardır. Ölkədə orta əməkhaqqı 59 min dollar olduğundan maaş bu məbləğin cəmi 36,6 faizinə çatır. Avstraliya bu nisbətə görə ümumi reytinqdə 39-cu yerdə qərarlaşıb.
Böyük Britaniyada orta əməkhaqqı “xoşbəxtlik həddi”nin 35,9 faizini, Kanadada 44,4 faizini, Yeni Zelandiyada isə cəmi 34 faizini qarşılayır.
Araşdırma göstərir ki, yüksək maaş səviyyəsi heç də insanların maksimum rifahla əlaqələndirilən gəlir həddinə çatması demək deyil. Xüsusilə ABŞ, Avstraliya, Böyük Britaniya, Kanada və Yeni Zelandiya kimi yüksək gəlirli ölkələrdə orta əməkhaqqı ilə hesablanan “xoşbəxtlik qiyməti” arasında böyük fərq qalır.
Musavat.com
XƏBƏR LENTİ
13 Oktyabr 2026
ŞƏRHLƏRŞƏRH YAZ