Onlayn ictimai-siyasi qəzet
BƏƏ İranın maliyyə kanalını bağladı
Birləşmiş Ərəb Əmirlikləri İranla ticarəti və bütün maliyyə əməliyyatlarını dayandırıb.
Musavat.com xəbər verir ki, məlumatı açıqlayan Xarici İşlər Nazirliyinin Strateji Kommunikasiyalar Departamentinin direktoru Əfra Əl-Hameli vurğulayıb ki, Krallıq regionda dialoqa, əməkdaşlığa və sülhün təşviqinə sadiqdir.
Nazirliyin bəyanatında qeyd olunur ki, İranla bütün ticarət, kommersiya və maliyyə əməliyyatları dayandırılıb. BƏƏ beynəlxalq hüquqa və yüksək qlobal standartlara ciddi şəkildə uyğun olaraq beynəlxalq maliyyə sisteminin bütövlüyünü qorumağa sadiqdir. Əl-Hameli izah edib ki, İranla iqtisadi əlaqələrin dayandırılması Yaxın Şərqdə sülhü və beynəlxalq maliyyə sisteminin bütövlüyünü pozan eskalasiya ilə əlaqədardır.
Daha əvvəl Birləşmiş Ərəb Əmirliklərinin hava hücumundan müdafiə sistemləri tərəfindən İran ərazisindən atılan iki ballistik raket aşkar edildiyi bildirilirib. Onlardan biri ölkənin ərazi sularına düşüb. BƏƏ raketlərin enerji nəqlinə qarşı yönəldiyinə əmindir.
Qeyd edək ki, uzun illərdir ABŞ sanksiyaları rejimində yaşayan İranın satdığı neftdən əldə etdiyi gəlirlər BƏƏ və Qətər vasitəsilə ölkəyə çatdırılır. Bu baxımdan, Əbu-Dabinin qərarı İran üçün ciddi maliyyə itkisinə səbəb ola bilər.
Musavat.com
XƏBƏR LENTİ
20 Avqust 2026
ŞƏRHLƏRŞƏRH YAZ