Onlayn ictimai-siyasi qəzet
Azərbaycan millisi FIFA-nın reytinqində 3 pillə gerilədi
Azərbaycan milli komandasının Millətlər Liqasının yeni mövsümündəki çıxışı təkcə onun qrup mövqeyinə deyil, həm də dünya reytinqinə təsir göstərib.
Sentyabr-oktyabr ayları arasında 2 oyundan sonra milli komanda 3 pillə geriləyərək FIFA-nın canlı reytinqində 128-ci yerdədir.
Azərbaycanın hazırda 1132.41 reytinq xalı var. Beləliklə, qrupdakı 2 oyun komandaya -5,46 xala başa gəlib. Canlı reytinqdə Azərbaycan Kipr və Malavinin arasındadır.
Ayxan Abbasovun baş məşqçisi olduğu komanda ilk matçını sentyabrın 27-də keçirdi. Litva ilə səfər matçı 1:1 hesablı heç-heçə ilə başa çatdı və Azərbaycanı -1,10 xal geri saldı.
Üç gün sonra Bakıda Lixtenşteynlə 0:0 hesablı məğlubiyyətə bərabər heç-heçə isə komandaya daha -4,36 xala başa gəldi.
Qeyd edək ki, Azərbaycan millisi Millətlər Liqasında növbəti oyununu bu gün Bakıda Litvaya qarşı keçirəcək. (fanat.az)
XƏBƏR LENTİ
11 Oktyabr 2026
ŞƏRHLƏRŞƏRH YAZ