Onlayn ictimai-siyasi qəzet
Sərvər Bəşirli Türkiyənin könlünə necə girdi: bir qardaşlıq hekayəsi
Xəbər verdiyimiz kimi, Sərvər Bəşirli Türkiyədə "Vəfa ödülü"nə layiq görülüb.
Musavat.com xəbər verir ki, mükafatı Türkiyə Prezidenti Rəcəb Tayyib Ərdoğan özü Sərvər Bəşirliyə təqdim edib.
Qeyd edək ki, Sərvər Bəşirli 2023-cü ilin 6 fevralında çəkilmiş bir foto ilə məşhurlaşdı. Həmin tarixdə Türkiyəndə baş verən 7,7 bal gücündə dağıdıcı zəlzələ 10 vilayətdə böyük yıxıntıya səbəb oldu. Baş verən zəlzələ nəticəsində Türkiyədə 53 mindən çox insan həyatını itirdi, yüz mindən çox insan yaralandı. Türkiyədə 7 günlük milli matəm elan edildi. Dağıntılarda axtarışlar həftələrlə davam etdi.
Bu zaman azərbaycanlılar da türkiyəli qardaşları üçün hərəkətə keçdi və yardım toplanmağa başlandı.
Həmin vaxt elan olunan mərkəzə öz köhnə “jiquli”si ilə yardım aparan Sərvər Bəşirlinin çəkilmiş fotoları həm Azərbaycan, həm də Türkiyə mediasında gündəm oldu. Əslən Laçından olan Sərvər Bəşirlinin bu yardımsevərliyi hər iki ölkə insanını göz yaşlarına boğdu.
Musavat.com
XƏBƏR LENTİ
23 Iyun 2024
22 Iyun 2024
ŞƏRHLƏRŞƏRH YAZ