Onlayn ictimai-siyasi qəzet
Rəsulzadənin Bakıdakı evinə xatirə lövhəsi vurulacaq
Azərbaycan Xalq Cümhuriyyətinin (1918–1920) banilərindən və siyasi mühacirət liderlərindən olan Məhəmməd Əmin Rəsulzadənin Bakıdakı evinin divarına xatirə lövhəsi vurulması planlaşdırılır.
Musavat.com-un məlumatına görə, layihəni Rəsulzadə Ev-muzeyi İctimai Qrupunun həmtəsisçisi Vahid Mustafayev hazırlayır.
Tarixçi-alim Solmaz Rüstəmova-Tohidi isə bildirib ki, lövhə hələ layihə mərhələsindədir:
"Rəsmi icazə alındıqdan sonra üzərində işləmək və dəyişikliklər etmək mümkündür. Əsas məqsəd cəmiyyətdən gələn dəstəkdir," – deyə o vurğulayıb.
Xatırladaq ki, bu gün Məhəmməd Əmin Rəsulzadənin anadan olmasının 142 ili tamam olur. Rəsulzadəyə məxsus Bakıdakı mülk – dörd otaqlı mənzil Nizami küçəsi 59 ünvanında, Mərkəzi Univermağın yanında yerləşir.
Xalidə Gəray
Musavat.com
XƏBƏR LENTİ
04 Iyun 2026
ŞƏRHLƏRŞƏRH YAZ