Onlayn ictimai-siyasi qəzet
Bu xəbərlər Trampı dəli edir
İrana qarşı hərbi əməliyyatlar səbəbindən Amerika sursat ehtiyatlarının tükənməsi ilə bağlı mənfi məlumatların mediada işıqlandırılması "ABŞ prezidenti Donald Trampı dəli edir".
Musavat.com xəbər verir ki, bu barədə məlumatı "The Wall Street Journal" (WSJ) mənbələrə istinadən yayıb. Mənbələrə görə, media sızmaları bir neçə həftədir ki, Trampı narahat edir və mənfi başlıqlar onu "dəli edir". Prezident hesab edir ki, sursat problemləri ilə bağlı xəbərlər Tehranı cəsarətləndirə və Vaşinqtonun mövqeyini zəiflədə bilər.
Mənbələr bildirib ki, Trampın müharibənin gedişatından narazılığı artır, çünki o, İranı nüvə proqramından imtina etmək və ümumilikdə hərbi əməliyyatlara son qoymağa məcbur etmək üçün təsirli yol tapmaqda çətinlik çəkir.
Qəzet əlavə edib ki, Tramp sızmaların səbəbləri ilə bağlı yeni daxili araşdırma aparmağı əmr edib. Ağ Evin mətbuat katibi Kerolin Livitt nəşrə bildirib ki, "məxfi hərbi məlumata çıxışı olan və onu mediaya sızdıran hər kəs ona göstərilən etimadı pozur, federal qanunu pozur və məsuliyyət daşımalıdır".
Musavat.com
XƏBƏR LENTİ
07 Avqust 2026
ŞƏRHLƏRŞƏRH YAZ