Onlayn ictimai-siyasi qəzet
Bu tarixi-memarlıq abidəsi niyə hələ də uçmur? — Səbəb
İtaliyanın Toskana bölgəsində yerləşən Piza şəhərinin simvolu sayılan Pisa qülləsi əsrlərdir davam edən meyilliliyinə baxmayaraq, bu gün də təhlükəsiz şəkildə qalır. Dünyaca məşhur tikilinin niyə uçmadığı isə həm turistlərin, həm də mühəndislərin maraq dairəsindədir.
1173-cü ildə inşasına başlanılan Pisa qülləsinin əyilməsinin əsas səbəbi tikilinin yumşaq torpaq qatının üzərində ucaldılması hesab olunur. Gil, qum və lil qatlarından ibarət zəif torpaq qüllənin ağırlığını bərabər şəkildə daşıya bilmədiyi üçün tikili hələ tikintisi başa çatmadan əyilməyə başlayıb.
Qüllənin meyilliliyi əsrlər boyu artmaqda davam etsə də, 1990-cı illərdə həyata keçirilən genişmiqyaslı bərpa və möhkəmləndirmə işləri sayəsində onun uçma riski əhəmiyyətli dərəcədə azaldılıb. Mühəndislər qüllənin altındakı torpaq qatını nəzarətli şəkildə çıxarıb, müxtəlif möhkəmləndirmə üsullarından istifadə edərək meyilliliyi təhlükəsiz səviyyəyə endiriblər.
Mütəxəssislər bərpa zamanı qülləni tamamilə dik vəziyyətə gətirməyi məqsədəuyğun hesab etməyiblər. Əksinə, tikilini dünyaca məşhur edən meyilli görünüş qorunub saxlanılıb və onun uzun illər təhlükəsiz şəkildə mövcudluğunu davam etdirməsi təmin edilib.
Hazırda təxminən 4 dərəcə meyilliliyə malik olan Pisa qülləsi hər il milyonlarla turisti qəbul edir və İtaliyanın ən məşhur tarixi-memarlıq abidələrindən biri olaraq qalır.//Demokrat.az
XƏBƏR LENTİ
04 Avqust 2026
ŞƏRHLƏRŞƏRH YAZ